Goa, Ramnath Temple: सर्वांग सुंदर अशा गोव्यातील प्राचीन 'रामनाथ मंदिर'

सर्वांग सुंदर असा गोवा: निसर्गाचं वरदान लाभलेला सर्वांग सुंदर असा गोवा मोहिनी घालतो. येथील प्राचीन मंदिरे पाहण्यासाठी पर्यटक गर्दी करतात.

गोव्यातील मंदिरे: गोव्यात अनेक प्रसिद्ध प्राचीन मंदिरे आहेत. आज आपण या फोटोस्टोरीच्या माध्यमातून रामनाथ मंदिराविषयी जाणून घेणार आहोत.

रामनाथ मंदिर: बांदोडा येथील रामनाथी येथे स्थित असलेले रामनाथ मंदिर इतिहासाच्या कोंदणात वसलेले आहे. मूळतः हे मंदिर सासष्टी तालुक्यात जुवारी नदीच्या काठावर वसलेल्या लोटली या सुंदर गावात स्थित होते.

पोर्तुगिजांची दहशत: 1568 साली पोर्तुगीज ‘इन्क्विझिशन’आणि त्याअंतर्गत पोर्तुगीजांनी माजविलेल्या दहशतीमुळे श्री रामनाथाच्या भक्तांना ही मूर्ती बांदिवडे किंवा बांदोडा या गावात स्थलांतरित करावी लागली.

नष्ट: रायतूर (राचोल) येथील किल्ल्याचा पोर्तुगीज किल्लेदार दिओगो रॉड्रिग्सने लोटली येथील भगवान रामनाथाचे मंदिर नष्ट केले आणि जाळून टाकले.

मंदिर उभारले: भाविकांनी आपले कुलदैवत श्री रामनाथासाठी बांदोडा येथे छोटेसे मंदिर उभारले. मंदिराच्या मध्यभागी श्री रामनाथाची स्थापना करून, एका बाजूला कामाक्षी तर दुसऱ्या बाजूला सातेरी, अशा दोन देवींच्या मूर्ती स्थापन केल्या.