Goa Election Voting Day: मतदान करताना कोरोनाचे नियमांचे होतेय पालन

गोवा विधानसभेच्या सर्व चाळीसही जागांकरिता एकाच टप्प्यात राज्यातील 1722 मतदान केंद्रांवर सकाळी सात वाजल्यापासून मतदान सुरू झाले आहे.

कोरोनाचे नियम पाळावे लागणार असून त्या नियमांमुळे मतदानासाठी आलेल्यांची संख्या कमी असली तरी केंद्रावर मोठ्या रांगा लागण्याची शक्यता दिसून येत आहे.

प्रत्यक्ष मतदानासाठी मतदारयादीत नाव असण्याबरोबरच मतदार कार्ड किंवा नेहमीप्रमाणे इतर कोणतेही ओळखपत्र पुरावा म्हणून सादर करावे लागणार आहे.

यावेळी मतदानाचा कालावधी 2 तासांनी वाढला असून सकाळी 7 ते सायंकाळी 6 अशी मतदानाची वेळ आहे.

प्रत्येक मतदान केंद्रावर दिव्यांग तसेच इतर मतदारांसाठी रॅम्प, पाणी, वीज, शौचालय अशी सर्व व्यवस्था करण्यात आली असून कडक उन्हात लोकांना उभे राहावे लागू नये म्हणून अनेक मतदान केंद्रांवर मंडप उभारण्यात आले आहेत.

आजचा दिवस मतदार राजाचा आहे.

अधिकारी कोरोनाचे पालन करत आपली जबाबदारी पार पडतांना

प्रत्येक केंद्रावर दोन ते तीन पोलिसांना बंदोबस्तासाठी पाचारण करण्यात आले असून भरारी पथके, सर्वसाधारण तसेच खर्च निरीक्षक एकंदरित मतदान प्रक्रियेवर लक्ष ठेवून आहेत.