कळंगुट येथे अपघातात युवक ठार, एक जखमी

म्हापसा: कळंगुट येथे दुचाकीने सिव्हरेज टँकरला धडक दिल्याने झालेल्या अपघातात एका सतरा वर्षीय युवकाचा जागीच मृत्यू झाला. मयूर डेगवेकर (रा. मुड्डीवाडा-साळगाव) असे त्याचे नाव आहे. तर त्याच्यासोबत असलेला अमन शिरोडकर (21, साळगाव) हा गंभीर जखमी झाला.

(youth was killed and another injured in an accident at calangut)

पोलिसांच्या माहितीनुसार, हा अपघात शनिवारी रात्री 11.45 च्या दरम्यान डॉल्फीन सर्कलनजीक घडला. एका सिव्हरेज टँकरला दचाकीने जोरदार धडक दिली होती. जखमी शिरोडकर याच्यावर सध्या गोमेकॉमध्ये उपचार सुरू आहेत. तो गंभीर जखमी असल्याने दुचाकी कोण चालवत होते आणि अपघात नेमका कसा घडला याची माहिती मिळू शकली नाही. उपनिरीक्षक राजाराम बागकर आणि हवालदार प्रशांत चोपडेकर यांनी अपघाताचा पंचनामा केला. कळंगुट पोलिस तपास करत आहेत.