राज्यात अपघातांचे सत्र काही केल्या थांबण्याचे नाव घेत नाही. दर दिवसाआड एक-दोन अपघाताच्या घटना राज्यात घडतच असतात. आज केरये-खांडेपार येथे एका दुचाकीला वाचवताना मालवाहू ट्रकचा अपघात घडला आहे.
एक ट्रक खडी वाहून राष्ट्रीय महामार्गावरून जात असता हा अपघात झाला असल्याचे सांगण्यात येते. समोर असलेल्या दुचाकीवरील दोघांना वाचवण्याच्या प्रयत्नात ट्रकचालकाचे नियंत्रण सुटले आणि ट्रक महामार्गावर पलटी झाला.
यामुळे मार्गावरील वाहतूक काही काळ ठप्प झाली होती.
दरम्यान, पेडणे-मालपे येथे काल पहाटे तीन वाजता कोलवा मडगावहून मुंबईच्या दिशेने जाणाऱ्या सीएनजी कारला अपघात झाला. अपघातानंतर ही कार आगीत संपूर्णपणे खाक झाली. सुदैवाने, या घटनेत जिवितहानी झाली नाही. कारमधील चार पैकी एका प्रवाशाला किरकोळ जखमा झाल्या आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
