ATM Robbery: ATM फोडून 4.62 लाख लंपास, दिल्लीतील दोघांना अटक

ATM Robbery at Mapusa

म्हापसा: हडफडे म्हापसा येथे काही चोरांनी ATM फोडत 4.62 लाख रुपयांची चोरी केली. बँकच्या ATM मध्ये चोरी करण्यासाठी चोरांनी सर्वात आधी CCTV चा बंदोबस्त केला. स्प्रे पेंटचा वापर करून CCTV कॅमेऱ्याचं शूटिंग बंद केलं आणि त्यानंतर गॅस कटरचा वापर करून लाखो रुपयांची चोरी केली.

चोरी करून पसार झालेल्या काही अज्ञात चोरांविरुद्ध पोलिसांकडून तपास सुरु झाला होता आणि आता हणजूणा पोलिसांनी दिल्लीतील दोन रहिवाश्यांना संशयित आरोपी म्हणून ताब्यात घेतलं आहे.

रुस्तम हक (वय 37) आणि मिजानूर रहमान मुल्ला (वय 45) अशा दोन संशयित आरोपींना पोलिसांकडून अटक करण्यात आली आहे. मिळालेल्या माहितीनुसार हे दोन्ही संशयित आरोपी पूर्व आणि पश्चिम दिल्लीचे रहिवासी असून सध्या गोव्यातील आसगाव येथे राहत होते.