Goa News: 'गोव्यातील 6 तालुक्यांमध्ये होती शिवशाही' या मुख्यमंत्र्यांच्या विधानाला एड.भेंब्रेंचा आक्षेप; वाचा गोव्यातील ठळक घडामोडी

गोव्यातील जुन्या काबिजाती म्हणजे सत्तरी, पेडणे, फोंडा, सांगे, केपे, काणकोण ह्या तालुक्यांमध्ये शिवाजी महाराजांची शिवशाही अस्तित्वात होती ह्या मुख्यमंत्र्यांच्या विधानाला एड.उदय भेंब्रेचा आक्षेप. वरील पूर्ण मुलाखत जागोर शिर्षकाखाली एड.उदय भेंब्रे युट्यूब चॅनलवर उपलब्ध.

कला अकादमीचे विद्यार्थी वर्गातील ४९ वे राज्य कला प्रदर्शन १३ ते १७ मार्च २०२५ या कालावधीत कला अकादमी, पणजी-गोवा येथे आयोजित करण्यात आले आहे. ३ मार्च २०२५ पासून कला अकादमीच्या कार्यालयात आणि कला अकादमीच्या वेबसाइट kalaacademygoa.co.in वर नियमांसह प्रवेश अर्ज उपलब्ध असतील.

मुंबई आणि मांडवा येथील रो-रो (रोल-ऑन, रोल-ऑफ) सेवेसाठी ओळखल्या जाणाऱ्या M2M फेरीच्या जागी मुंबई-गोवा RoPAX फेरी सेवा सुरू करण्याच्या तयार सुरु आहे. ही नवीन फेरी प्रवासी आणि वाहने दोन्ही वाहून नेईल.

समुद्रकिनारी सहली थांबवल्या पाहिजेत. नॅशनल इन्स्टिट्यूट ऑफ ओशनोग्राफी, ओल्ड गोव्यातील इंडियन इन्स्टिट्यूट ऑफ ॲग्रिकल्चर, वास्कोमधील पोलर इन्स्टिट्यूट, डोना पावला येथील वॉटर इन्स्टिट्यूट आणि आयुष इन्स्टिट्यूट यासारख्या संस्थांना भेटी दिल्यास विद्यार्थ्यांना प्रेरणा मिळेल : मुख्यमंत्री डॉ. प्रमोद सावंत

म्हापसा पालिकेच्या नगराध्यक्ष पदासाठी नगरसेविका प्रिया मिशाळ यांनी आपला उमेदवारी अर्ज सादर. मिशाळ यांचा एकमेव अर्ज दाखल. उद्या शुक्रवारी सकाळी होणार निवडणूक.

दीनदयाळ निधीतून 50 लाख रुपये खर्च करून मये पंचायतीच्या इमारतीचे होणार नुतनीकरण. आमदार प्रेमेंद्र शेट यांच्या हस्ते कामाची पायाभरणी.

वडभाग उसगांव येथे पाण्याची टंचाई असल्याने नागरीक हैराण.पिण्यासाठी पाणी वेळेवर देण्याची पंच मनिषा उसगांवकर यांची मागणी.

नारळाच्या झाडावरून पडून सिल्व्हेस्टर फिलिप (६०, चांदोर) याचा दुर्दैवी मृत्यू झाला.

धारबांदोडा येथे रस्त्यावर पार्क केलेल्या कंटेनरला रिक्षाची धडक बसून सनित चंद्रा गीताल (२५, बाणास्तारी, मूळ पश्चिम बंगाल) याचा मृत्यू तर रिक्षा चालक उत्तम गवळी (४८, बाणास्तारी) हा जखमी.