Special Railway Train : होळीनिमित्त खास प्रवासी रेल्वे गाड्या

सासष्टी, यंदाच्या होळीनिमित्त रेल्वे प्रशासनाने खास प्रवासी रेल्वे गाड्यांची व्यवस्था केली आहे.

१) ट्रेन क्रमांक ०९४१२ व ०९४११ अहमदाबाद ते मडगाव व परत. ०९४१२ अहमदाबाद ते मडगाव रेल्वेसाठी खास प्रवासी दर असेल. ही गाडी १९ व २६ मार्च २०२४ असे दोन दिवस अहमदाबादहून सकाळी ९.३० वाजता सुटेल व मडगावात दुसऱ्या दिवशी पहाटे ५.३० वाजता पोहोचेल. ट्रेन क्रमांक ०९४११ ही २० व २७ मार्च रोजी मडगावहून सकाळी ८ वाजता सुटेल व अहमदाबाद येथे दुसऱ्या दिवशी सकाळी ७ वाजता पोहोचेल. या गाडीला २२ डबे असतील व गोव्यात थिवी व करमळी स्थानकांवर थांबेल.

२) ट्रेन क्रमांक ०९०५७ व ०९०५८ उधाना ते मंगळुरू- ट्रेन क्रमांक ०९०५७ ही उधानाहून २० व २४ मार्च असे दोन दिवस रात्री ८ वाजता सुटेल व मंगळुरू स्थानकावर दुसऱ्या दिवशी सायंकाळी ७ वाजता पोहोचेल.

ट्रेन क्रमांक ०९०५८ ही ट्रेन २१ व २५ मार्च असे दोन दिवस मंगळुरूहून रात्री १० वाजता सुटेल व उधाना स्थानकावर दुसऱ्या दिवशी रात्री ९.०५ वाजता पोहोचेल. गोव्यात ही गाडी थिवी, करमळी, मडगाव, काणकोण या स्थानकांवर थांबेल.

३) ट्रेन क्रमांक ०९१९३ व ०९१९४ सुरत ते करमळी व परत. ०९१९३ ही ट्रेन २१ व २८ मार्च असे दोन दिवस सुरतहून रात्री ७.५० वाजता सुटेल व करमळी येथे दुसऱ्या दिवशी दुपारी १२ वाजता पोहोचेल.