Dhiryo Bullfight Goa: दक्षिण गोव्यात धीरयोंवर अंकुश ठेवण्यासाठी समित्या स्थापन, आयोजकांवर होणार कारवाई

South Goa illegal Dhiryo-सासष्टी: दक्षिण गोव्यात धीरयोवर बंदी असताना सुद्धा अनेक ठिकाणी त्याचे आयोजन केले जाते. या आयोजनावर अंकुश ठेवण्यासाठी व आयोजकांवर कारवाई करण्यासाठी दक्षिण गोवा जिल्हाधिकाऱ्यांनी मामलेदार, पोलिस निरिक्षक, गोरक्षक, पशुसंवर्धन अधिकाऱ्यांचा समावेश असलेल्या वेगवेगळ्या ठिकाणी सात दक्षता समित्यांची स्थापना करण्यात आली आहे.

यात मडगाव, मायणा, फातोर्डा, कोलवा, कुंकळ्ळी, वेर्णा आणि मुरगाव यांचा समावेश आहे. बंदी असताना सुद्धा राज्यात अनेक ठिकाणी धिरयोंचे आयोजन केले जाते. यावर मोठ्या प्रमाणात सट्टाही लावला जातो. मात्र आजवर ठोस कारवाई करण्यास यंत्रणा कमी पडत होत्या.

तत्काळ कार्यवाही

जिथे धिरयो सुरु आहेत किंवा अशा आशयाची माहिती मिळाली तर या समितीवर योग्य व तत्काळ कार्यवाही करण्याची जबाबदारी असेल असे दक्षिण गोव्याच्या जिल्हाधिकारी एगना क्लेटस यांनी जारी केलेल्या आदेशात स्पष्ट केले आहे.

समित्या पुढीलप्रमाणे :

मडगाव - संयुक्त मामलेदार २, पोलिस इन्स्पेक्टर, डॉ. ग्वेंडा डिसोझा ( पशुवैद्यकीय अधिकारी)

मायणा - संयुक्त मामलेदार ४, पोलिस इन्स्पेक्टर, डॉ. न्येसा डिनिझ (पशुवैद्यकीय अधिकारी)

कोलवा - संयुक्त मामलेदार ७, पोलिस इन्स्पेक्टर, डॉ. कॅरोल मिस्किता (पशुवैद्यकीय अधिकारी)

फातोर्डा- मामलेदार सासष्टी, पोलिस इन्स्पेक्टर, डॉ. न्येसा डिनिझ (पशुवैद्यकीय अधिकारी)

कुंकळ्ळी - मामलेदा ४, पोलिस इन्स्पेक्टर, डॉ. रेनस्ले काल्देरा(पशुवैद्यकीय अधिकारी)

वेर्णा - मामलेदार १, पोलिस इन्स्पेक्टर, डॉ. दिपिका प्रभाकर (पशुवैद्यकीय अधिकारी)

मुरगाव - मामलेदार मुरगाव, पोलिस इन्स्पेक्टर, डॉ. दिपिका प्रभाकर (वैद्यकीय अधिकारी)

शिवाय या समितीत गोरक्षक म्हणून पंकज शर्मा (ध्यान फाउंडेशन), प्रदीप गौर (ध्यान फाउंडेशन) व प्रसाद पाटील (शिकेरी गोशाळा) यांचा समावेश करण्यात आला आहे.

दक्षिण गोव्याच्या जिल्हाधिकारी एगना क्लेटस यांनी हा आदेश जारी केला आहे.