गोव्यातील शेतकऱ्यांचे उत्पन्न वाढवण्यासाठी सेन्सर आधारित सिंचन प्रणाली उपयुक्त

भारतातील शेतकरी आता हळूहळू काळाच्या ओघात आधुनिक होत आहेत आणि शेतीमध्ये (Agriculture) आधुनिक तंत्रांचा वापर करत आहेत . शेतीमध्ये नवीन तंत्रज्ञान आल्याने शेतकऱ्यांसाठी (Farmers) शेती करणे सोपे होत आहे. यासोबतच उत्पादनाचे प्रमाण आणि गुणवत्तेतही सुधारणा झाली आहे. शेतीमध्ये तंत्रज्ञान वापरण्याचा एक फायदा म्हणजे कृषी संसाधने मर्यादित स्वरूपात वापरली जात आहेत. देशात पाहिल्यास कृषी क्षेत्रातील शेतकऱ्यांमध्ये जागृती नसल्यामुळे पाण्याचा सर्वाधिक अपव्यय होतो. शेतात किती पाणी टाकायचे हे शेतकऱ्यांना माहीत नाही, पण आता यावर उपाय सापडला आहे.

गोव्यातील शेतकरी (Goan Farmers) नवीन तंत्रज्ञान वापरत आहेत. गोव्यातील साळ नदीतील नौता तलावात शेतकरी सेन्सर आधारित सिंचन प्रणाली (Sensor Based Irrigation System) वापरत आहेत. या तंत्रात बँक फिल्टरेशन तंत्र वापरले जाते. या तंत्राचे निरीक्षण करणे खूप सोपे आहे. या तंत्रज्ञानाचा वापर करणारे शेतकरी सेन्सर आधारित सिंचन प्रणाली मोबाईल ऍप्लिकेशनद्वारे किंवा थेट वेबसाइटद्वारे पाहू आणि नियंत्रित करू शकतात. हे असे तंत्रज्ञान आहे की शेतकरी शेतात न जाता चालवू शकतात.

शेतकरी शेतात न जाता सिंचन करू शकतात

विज्ञान आणि तंत्रज्ञान मंत्रालयाच्या म्हणण्यानुसार, हे एक तंत्र आहे ज्याद्वारे शेतीसाठी सर्वात महत्त्वाचा स्त्रोत असलेल्या पाण्याचा अपव्यय थांबवता येईल. या तंत्राचा वापर केल्यास पाण्याची बचत होईल. एवढेच नाही तर या तंत्रज्ञानामुळे शेतकऱ्यांना दुरूनच सिंचनावर लक्ष ठेवणेही सोपे झाले आहे. इंडियाटाइमच्या वृत्तानुसार, शेतकरी जिथे राहतात तिथे त्यांच्या मोबाईल ऍप्लिकेशनद्वारे शेतातील आर्द्रता तपासून शेतात सिंचन करू शकतील.

हे तंत्रज्ञान अशा प्रकारे कार्य करते

हे एक तंत्र आहे ज्यामध्ये शेतकऱ्यांना त्यांच्या शेतातील ओलावा किती आहे याची माहिती सेन्सरद्वारे मिळते. जेव्हा ओलाव्याचे प्रमाण पिकासाठी निर्धारित प्रमाणापेक्षा कमी होते, तेव्हा सेन्सरद्वारे चालविलेली स्वयंचलित मोटर आपोआप चालू होते. यानंतर, जेव्हा शेताला पुरेशा प्रमाणात पाणी दिले जाते, तेव्हा पुन्हा सेन्सरद्वारे नियंत्रित मोटर आपोआप थांबते. विज्ञान आणि तंत्रज्ञान मंत्रालयाच्या मते, ही प्रक्रिया पाण्याची धूप रोखते आणि संपूर्ण शेतात मातीची गुणवत्ता राखते.