गुंतवणूक सुलभ वातावरण निर्मिती हे उद्दिष्ट; मंत्री माविन गुदिन्हो

व्यवसाय सुलभता निर्देशांक सुधारण्यात कोणतीही कसर ठेवली जाणार नाही.व्यवसाय सुलभता वाढवण्याच्या उद्देशाने, गोवा-आयडीसीने आपल्या कामकाजावर नियंत्रण ठेवणाऱ्या कायद्यांत सुधारणा आणण्याचे काम हाती घेतले आहे.

गुंतवणुकीला प्रोत्साहन देणारे, नवनिर्मितीला चालना देणारे अनुकूल वातावरण निर्माण करणे हे आमचे उद्दिष्ट आहे,असे उद्योगमंत्री माविन गुदिन्हो यांनी सांगितले.

राज्यातील औद्योगिक क्षेत्राला चालना देण्यासाठी सध्याच्या नियामक प्रणाली व कायद्यांमध्ये बदल करण्यात येणार आहेत. गोवा औद्योगिक विकास महामंडळाने या प्रस्तावित सुधारणांबाबत औद्योगिक घटकांत सहमतीच्या उद्देशाने संवाद कार्यशाळेचे आयोजन केले होते.

याचे उद्‍घाटन केल्यानंतर गुदिन्हो बोलत होते. यात जीएसआयए, जीसीसीआय, सीआयआय, फिक्की, लघुउद्योग भारती, असोचेमचे प्रतिनिधी सहभागी झाले होते.

प्रक्रियांचे प्रमाणीकरण करणे; आणि सर्व अधिनियम आणि नियमांमध्ये स्पष्टता आणि सुसंगतता सुनिश्चित करणे हा या सुधारणांमागचा उद्देश आहे. या सुधारणांमुळे राज्यातील गुंतवणुकीला मोठी चालना मिळेल आणि तरुणांसाठी रोजगाराच्या संधी निर्माण होतील.

-प्रविमल अभिषेक, एम. डी. आयडीसी