Sunburn Festival 2024: त्यांनी कॅप्टनसारखे वागावे, बिनबुडाची विधाने करू नये; ‘सनबर्न’ याचिकेवरुन खंवटेंचे प्रत्त्युत्तर

Rohan Khaunte Urges Viriato Fernandes to Stop Making Unfounded Claims About Sunburn Case

पणजी: ‘सनबर्न’ने दाखल केलेली याचिका मी करायला लावली, असा निराधार आरोप खासदार कॅप्टन विरियातो फर्नांडिस यांनी करू नये. त्यांना असे विधान करायला कुणी लावले आणि त्यांनी ते तपासून का पाहिले नाही, हे त्यांनाच माहीत. आम्ही सातवीत असताना लपाछपी खेळ खेळत होतो आणि आज कॅप्टन असेच खेळ खेळत आहेत.

कॅप्टनने कॅप्टनसारखे वागावे आणि बिनबुडाची विधाने करू नयेत, असा सल्ला पर्यटन मंत्री रोहन खंवटे यांनी फर्नांडिस यांना दिला.

पर्यटन मंत्री रोहन खंवटे यांच्या सांगण्यावरून केल्या असल्याचा आरोप खासदार कॅप्टन विरियातो यांनी केला होता. त्याला प्रत्युत्तर म्हणून मंत्री खंवटे बोलत होते.

आमचा आवाज बंद करण्यासाठीच!

खासदार विरियातो फर्नांडिस यांनी सांगितले की, आम्हाला माहिती मिळाली त्याप्रमाणे पर्यटनमंत्र्यांनी आमच्यावर मानहानीचा दावा करण्यास सनबर्न आयोजकांना सांगितले आहे. हा प्रकार आमचा आवाज बंद करण्यासाठीच आहे. मात्र, आम्ही शांत बसणार नाही.