Mopa Airport : ‘मोपा’वर उतरले पहिले मालवाहू विमान

पेडणे, मनोहर आंतरराष्ट्रीय विमानतळावर पहिले २२ टन मालवाहू विमान २४ जुलै रोजी पहाटे उतरले.

तुर्कीच्या चॅम्पमन फ्री बॉर्न एअर चार्टर्सचे हे मालवाहू विमान उतरले. गोव्यातील हे पहिले व्यावसायिक मालवाहू विमान आहे. अत्याधुनिक कार्गो सुविधांसह ऑफ लोड स्टोरेज व क्लिअरन्सच्या सोयी त्यात आहेत.

या विमानतळावरून आता मालवाहू विमानांचा मार्ग सुकर झाला आहे. हा विमानतळ आता देशातील कार्गो हब म्हणून नावारूपास येईल. एअर इंडिया, ओमान एअर, इंडिगो, आकासा, विस्तारा व स्पाइज जेटद्वारे ५००० देशांतर्गत व आंतरराष्ट्रीय हवाई कार्गो हाताळते.

जीएमआर’ने पहिल्या टप्प्यात वार्षिक २५००० मेट्रिक टन कार्गो हाताळण्याची क्षमता असलेले एअर कार्गो लॉजिस्टीक टर्मिनल तयार केले आहे. त्यासाठी पूर्ण वाढीव मालवाहू पायाभूत सुविधा व कुशल मनुष्यबळासह गोव्यात नवीन कार्गोसाठी विमानतळ उपलब्ध झालेला आहे.