Mapusa Fire Incident: म्हापशात आगीचे थैमान, शॉर्ट सर्किटमुळे दुर्घटना; 3 लाखांचे नुकसान

म्हापसा: डांगी कॉलनी, म्हापसा येथे शुभांगी आसोलकर (वय ७० वर्षे) यांच्या घराला शॉर्ट सर्किटमुळे आग लागण्याची घटना शनिवारी (ता.२६) रात्री ८ च्या सुमारास घडली. या दुर्घटनेत ३ लाख रुपयांचे नुकसान झाले.

उपलब्ध माहितीनुसार, शुभांगी आसोलकर आणि एक मुलगी घरात असताना अचानक आग लागली. यावेळी शेजाऱ्यांनी त्यांना सुखरूप बाहेर काढले आणि म्हापसा अग्निशमन दलाला याची माहिती दिली. दलाच्या जवानांनी घटनास्थळी धाव घेत या आगीवर नियंत्रण मिळवले.

या दुर्घटनेत इलेक्ट्रॉनिक साहित्य, धान्यसाठा, कपडे व इतर मौल्यवान साहित्य जळाले. अग्निशमन दलाचे अधिकारी प्रकाश कान्नाईक, फायर फायटर दीप्तेश गावडे, श्रीनाथ नर्से, प्रकाश घाडी, प्रवीण नाईक गावकर आणि चालक जयेश कानोळकर यांनी बचावकार्यात सहभाग घेतला.