पणजी: जमीन हडप प्रकरणी अंमलबजावणी संचालनालयाने (ईडी) रोहन हरमलकर याची २१२.८५ कोटी रुपयांची मालमत्ता मनी लॉन्ड्रिंग कायद्यांतर्गत तात्पुरती जप्त केल्याची माहिती मिळाली आहे.
म्हापसा पोलिसांनी रोहन हरमलकरविरोधात जमीन हडप प्रकरणात दोन गुन्हे दाखल केले होते, ज्यांचा तपास नंतर विशेष तपास पथकाकडे (एसआयटी) वर्ग करण्यात आला. मनी लॉन्ड्रिंगचा संशय आल्याने ईडीने २४ एप्रिल रोजी हरमलकरच्या पिळर्ण, पर्वरी, दिवाडी आणि इतर ठिकाणच्या मालमत्तांवर छापे टाकले होते.
या कारवाईदरम्यान, ईडीने हणजूण, हडफडे, आसगाव व इतर भागांतील १ हजार कोटींपेक्षा जास्त बाजारमूल्याच्या जमिनींची बनावट कागदपत्रे आणि ६०० कोटींपेक्षा जास्त किमतीच्यास्थावर मालमत्तांची मूळ कागदपत्रे जप्त केली होती.
यानंतर, त्याला ३ जून २०२५ रोजी अटक करण्यात आली होती. कारवाईचा भाग म्हणून, ‘ईडी’ने आता रोहन हरमलकरची २१२.८५ कोटी रुपयांची मालमत्ता तात्पुरती जप्त केली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.