पणजी: राज्यात आज (शनिवारी) देखील मेघगर्जनेसह तुरळक पाऊस (Goa Weather Updates) पडण्याची शक्यता आहे तसेच पुढील चार दिवसांत राज्यातील कमाल तापमानात 2 अंशांनी वाढ होण्याची शक्यता हवामान खात्याच्या वेधशाळेने (IMD Goa) वर्तविली आहे.
तापमानवाढीचे कारण विचारले असता, वेधशाळेचे वैज्ञानिक एम. राहुल म्हणाले, की गेल्या काही दिवसांपासून राज्यात काही ठिकाणी पाऊस पडला. या काळात कमाल तापमान 33 अंशांपर्यंत होते. मात्र, आता ढगाळ आभाळ निरभ्र असून कमाल तापमान 35 अंशांपर्यंत वाढण्याची शक्यता असल्याचे त्यांनी सांगितले. काल राज्यातील कमाल तापमान 33.2 अंश सेल्सिअस, तर किमान 22.7 अंश सेल्सिअस होते.
यंदा मार्चमध्येच उन्हाचा तडाखा बसल्याने लोकांचे हाल होत आहेत. जे मार्चच्या मध्यापासून ते एप्रिलपर्यंत पंखा लावून काम करायचे, त्यांना आता मार्चमध्येच एसी-कूलरची सेवा द्यावी लागत आहे. कडक उन्हामुळे दिवसा घराबाहेर पडणे कठीण झाले आहे. संपूर्ण उत्तर, मध्य आणि दक्षिण भारतात हीच परिस्थिती आहे.
हिमाचल, जम्मू-काश्मीर आणि उत्तराखंड आणि ईशान्येकडील काही राज्यांसारख्या डोंगराळ राज्यांच्या काही भागातच हवामान आल्हाददायक होत आहे. मात्र, त्यानुसार तापमानातही वाढ झाली आहे. भारतीय हवामान विभागाच्या अपडेटनुसार, पुढील दोन दिवस राजधानी दिल्ली आणि उत्तर भारतातील उत्तर प्रदेश, बिहार, उत्तराखंड, हरियाणा आणि राजस्थान या राज्यांमध्ये जोरदार वारे वाहतील.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
