पणजी: आजच्या नव तंत्रज्ञानाच्या युगात नवीन शैक्षणिक धोरणाच्या अनुषंगाने स्पर्धात्मक युगाला सामोरे जाण्यासाठी, तंत्रज्ञानाच्या साहाय्याने पेपर विरहित परीक्षा घेणे काळाची गरज असल्याचे मत लिटल मोर इन्होवेशनचे सीईओ श्रीकांत गणेशन यांनी व्यक्त केले.
त्यांच्याद्वारे हेगडेवार उच्च माध्यमिक विद्यालयात काही दिवसांपूर्वी पेपर विरहित परीक्षेचे आयोजन करण्यात आले होते. जो गोव्यातील पहिला प्रयोग होता. या उपक्रमाला विद्यार्थ्यांच्या उत्तम प्रतिसाद लाभल्याचे त्यांनी सांगितले.
गणेशन म्हणाले की, आम्ही गोव्यातील सर्व शाळांमधील तसेच शालान्त महामंडळाद्वारे ज्या परीक्षांचे आयोजन करण्यात येते त्या परीक्षा पेपरविरहित करण्यासाठी योग्य ती मदत, टूल पुरविण्यासाठी प्रयत्नरत असून तसेच झाल्यास गोवा पेपर विरहित परीक्षा घेणारे पहिले राज्य ठरेल, असे त्यांनी सांगितले.
पेपर विरहित परीक्षा आयोजनासाठी डजीताल या उपकरणाची आवश्यकता असते. ज्यात ठरविलेल्या वेळेत प्रश्नपत्रिका उपलब्ध होते. जो विद्यार्थी हा परीक्षा देणार आहेत, त्याचे डोळे स्कॅन करून ओळख पटविण्यात येते. ही डिजिटल परीक्षेतील उत्तर पत्रिका लिहिता, चित्र रेखाटता, आलेख व इतर विविध प्रकारे उत्तरे लिहिता येतात, असे श्रीकांत गणेशन यांनी सांगितले.
देशभरातील सुमारे १.२ कोटी विद्यार्थ्यांसाठी आतापर्यंत पेपर विरहित परीक्षा दिल्या आहेत. एकाही परीक्षेत चुक झालेली नाही. देशातील गुजरात, कर्नाटक, राजस्थान व इतर राज्यात, जगभरातील काही देशांमधील महाविद्यालये, विद्यापीठांमध्ये पेपरविरहित परीक्षांचे प्रात्यक्षिक देण्यात आले आहेत. राज्यातील काही खासगी विद्यापीठांमध्ये अशा प्रकारे पेपर विरहित परीक्षांचे आयोजन करण्यात आले असल्याचे श्रीकांत गणेशन यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
