सासष्टी, फेब्रुवारीत कोट्यवधी रुपये खर्चून मडगाव व फातोर्डातील अनेक रस्ते हॉटमिक्स केले होते. पंतप्रधान नरेंद्र मोदी यांच्या भेटीचे कारण पुढे करून रस्त्यांच्या हॉटमिक्सिंगला प्राधान्य देण्यात आले होते.
परंतु पहिल्याच पावसात येथील बहुतेक रस्ते उखडले आहेत. आर्थिक राजधानी सध्या खड्ड्यांच्या विळख्यात सापडली आहे.
काही ठिकाणी सिवरेज पाइपलाइन टाकण्याच्या कामामुळे रस्ते खोदण्यात आले, या रस्त्यांची तात्पुरती डागडुजी केली होती, पण पावसामुळे अनेक ठिकाणी खड्डेमय स्थितीत निर्माण झाली आहे.
जिथे जिथे सिवरेज साठी चेंबर्स बांधण्यात आले आहे त्या भागात व सभोवतालीचे रस्ते ओबडधोबड झाल्याने खास करून दुचाकीसाठी त्रासदायक ठरत आहे. ही स्थिती जुना बाजार, नगरपालिका इमारतीच्या मागे व ब्लू पर्ल रस्त्याच्या काही ठिकाणी खड्डे दिसून येतात.
मात्र गेल्या तीन चार दिवस मडगाव व फातोर्ड्यातील काही भागात खड्डे बुजविण्याचे काम सुरू आहे. काही ठिकाणी काम पूर्णही करण्यात आले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.