Pravin Arlekar: पेडणेचे आमदार दिव्यांग मुलांसोबत वाढदिवस साजरा

Pravin Arlekar: पेडणेचे आमदार प्रवीण आर्लेकर यांनी आज आपला वाढदिवस रक्तदान,आत्मविश्वास विद्यालयातील दिव्यांग मुलांसोबत, पेडणे सरकारी इस्पितळात रुग्णांना भेटून तसेच नानेरवाडा पेडणे येथील अनाथाश्रमाला भेट देऊन साजरा केला. आमदार आर्लेकर यांच्यावर चाहत्यांनी वाढदिवस शुभेच्छांचा वर्षाव केला.

आमदार प्रवीण आर्लेकर यांच्या सोबत आर्लेकर यांचे स्वीय सचिव राजन शेट म्हापसेकर देवसू कोरगावचे पंचायत सदस्य देविदास नागवेकर आदींनी रक्तदान केले. यावेळी मंत्री नीळकंठ हळर्णकर यांनी आर्लेकर यांना भेटून शुभेच्छा दिल्या.

तुये आत्मविश्वास या विशेष मुलांच्या शाळेत दिव्यांग विद्यार्थ्यांच्या सहवासात त्यांनी आपला वाढदिवस साजरा केला. यावेळी दिव्यांग विद्यार्थ्यांनी नाच गाणी सादर केली. आर्लेकर यांना वाढदिवसाच्या शुभेच्छा देणारे गीत नाचून सादर केले, त्यात आमदार आर्लेकरही सामील झाले. यावेळी विद्यार्थ्यांना खाऊ,फळे व जेवण दिले.

यावेळी पेडणे भाजप अध्यक्ष तुळशीदास गावस यांच्या सहकार्याने जादूगार रवी यांचे जादूचे प्रयोग झाले.आत्मविश्वास शाळेला माझे नेहमीच सहकार्य असेल,असे यावेळी आमदार आर्लेकर म्हणाले.

वृद्धाश्रम तसेच इस्पितळात रुग्णांना फळे वाटप

आर्लेकर यांनी पेडणे सरकारी इस्पितळातील रुग्णांची भेट घेऊन रुग्णांना फळे वाटण्यात आली.तर दुपारी स्नेह सेवा वृध्दाश्रमाला भेट देऊन रुग्णांना फळे दिली.रात्री भाईड कोरगाव येथील टॉम लिब गार्डन मध्ये आयोजित कार्यक्रमात मतदार,विविध गावातील सरपंच ,पंच,नगरसेवक,राजकीय व सामाजिक स्थरावरील अनेक मान्यवरांनी येऊन शुभेच्छा दिल्या.