![Morjim Beach](http://media.assettype.com/dainikgomantak%2F2022-12%2Ffc66a151-a459-44ae-81a8-582eb299301e%2FCashew__47_.jpg?rect=0%2C0%2C1920%2C1080&w=480&auto=format%2Ccompress&fit=max)
Morjim Beach: गावडेवाडा-मोरजी येथील मार्बेला बीच रिसॉर्टमध्ये काल रात्री संगीतरजनी पार्टीचे आयोजन केले होते. या पार्टीसाठी पेडणे उपजिल्हाधिकारी कार्यालयाने रात्री दहा वाजेपर्यंत परवाना दिला होता. परंतु 10 वाजल्यानंतरही पार्टी सुरू राहिल्याने सव्वादहा वाजता ही पार्टी पोलिसांनी बंद पाडली.
उच्च न्यायालयाच्या आदेशानुसार किनारी भागात खुल्या जागेत रात्री 10 वाजल्यानंतर कोणत्याही प्रकारची संगीतरजनी पार्टी आयोजित करण्यावर निर्बंध घातले आहेत. दहा वाजल्यानंतरही ध्वनिप्रदूषण सुरू राहिले तर पोलिस अधिकाऱ्यांसह उपजिल्हाधिकाऱ्यांनाही जबाबदार धरून त्यांच्यावर कारवाई केली जाईल, असा इशारा दिला आहे. त्यानुसार मार्बेला रिसॉर्टवर काल ही कारवाई करण्यात आली. तुये येथील एका नागरिकानेही पोलिसांकडे लेखी तक्रार करून या रिसॉर्टने न्यायालयाच्या आदेशाचा अवमान केल्याचे म्हटले आहे.
आणखी एक उल्लंघन
मांद्रेचे आमदार जीत आरोलकर (Jit Arolkar) यांनीही, न्यायालयाच्या आदेशाचे काटेकोरपणे पालन करायला हवे, असे सांगितले. मात्र, मांद्रे रिवा रिसॉर्टमध्येही रात्री दहानंतर पार्टी सुरू असते, अशी माहिती रहिवासी आग्नेलो फर्नांडिस यांनी दिली. त्यांनी अनेकदा पोलिसांकडे तक्रार केली. मात्र, संबंधितांवर कारवाई होत नाही, अशी खंत त्यांनी व्यक्त केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.