Goa News: कोकण रेल्वे पोलिसांनी आंतरराज्यीय चोराला केली अटक, जाणून घ्या गोव्यातील घडामोडी

कोकण रेल्वे पोलिसांनी रेल्वे सुरक्षा दल मडगावसह करमाळी रेल्वे स्थानकावर एका कुख्यात आंतरराज्यीय चोराला अटक केली.

विपुल फडके आणि गोवा क्रिकेट असोसिएशनने बीसीसीआयचे निवडणूक अधिकारी ए. के. जोती यांच्याविरुद्ध रिट याचिका दाखल केली आहे, ज्यामध्ये रोहन गावस देसाई यांना जीसीएचे प्रतिनिधी म्हणून आव्हान देण्यात आले आहे.

म्हापसा पोलिसांनी कर्नाटकातील एका ३२ वर्षीय व्यक्तीला २ लाख रुपये किमतीचा २ किलो संशयित गांजा बाळगल्याप्रकरणी अटक केली आहे.

रमा काणकोणकर यांना न्याय मिळावा यासाठी भाजप कार्यालयात काल झालेल्या निदर्शनांवर प्रतिक्रिया देताना गोवा भाजपचे प्रदेशाध्यक्ष दामू नाईक यांनी या घटनेचा निषेध केला, "एखाद्याच्या कार्यालयात घुसणे अस्वीकार्य आहे. राजकारण करता येते आणि केले पाहिजे, परंतु अशा प्रकारे नाही. आझाद मैदानापासून भाजप कार्यालयापर्यंत निदर्शकांनी ज्या पद्धतीने मोर्चा काढला त्यावरून गंभीर प्रश्न उपस्थित होतात. या निदर्शनामागील सूत्रधार ओळखला पाहिजे."; दामू नाईक म्हणाले.

शहाजहानने त्याच्या राजवटीत ताजमहाल बांधला. पण, गोविंद गावडेंनी लोकशाही राजवटीत ताजमहाल बांधून दाखवला. गावडे महान अभिनेते असून, ते कशा पद्धतीने अभिनय बदलतात हे जनतेलाही माहीत आहे. त्यासाठी त्यांना सरकारने 'गोमंत भूषण' पुरस्कार द्यावा .

- रमेश तवडकर, मंत्री

मायणा कुडतरी पोलीसांनी दवर्ली येथील ३३ वर्षीय तानवीर मुल्ला याला अटक केली आणि त्याच्या ताब्यातून ११७ ग्रॅम गांजा, ज्याची किंमत १०,००० रुपये आहे, जप्त केला आहे.

गोवा क्रीडा प्राधिकरणाचे कार्यकारी संचालक डॉ. अजय गावडे यांनी मोठा गाजावाजा करत पदभार स्वीकारल्याप्रकरणी त्यांच्यावर कारवाई करायची की नाही, याचा निर्णय आता सरकारला घ्यावा लागणार आहे. राज्याचे मुख्य सचिव डॉ. व्ही. कंदवेलू यांनी बजावलेल्या कारणे दाखवा नोटीशीला २४ तासात गावडे यांनी उत्तर दिले आहे.

नावेली येथून दुचाकी चोरीप्रकरणी मडगाव पोलिसांनी दोघांना अटक केली आहे. कलंदर हाबिगिरी (२३) व राज नायक (१९) अशी संशयितांची नावे आहेत. सध्या या दोघांची पोलिस कसून चौकशी करीत आहेत. साहाय्यक उपनिरीक्षक संतोष गावकर पुढील तपास करीत आहेत. पार्क करून ठेवलेली यामाहा मोटरसायकल कोणीतरी चोरून नेल्याची तक्रार मेल्विटो मोन्तेरो यांनी मडगाव पोलिस ठाण्यात दाखल केली होती. या महिन्याच्या १५ ते १६ तारखेदरम्यान चोरीची ही घटना घडली होती.

बोणबाग- बेतोडा येथे शुक्रवारी रात्री गांजा बाळगल्या प्रकरणी फोंडा पोलिसांनी अतुल अशोक अस्काऊकर (२४, देऊळवाडा- बोरी) याला केली अटक. २१३००० रुपये किंमतीचा गांजा जप्त.