मडगाव: काणकोणात कायदा व सुव्‍यवस्‍था हाताबाहेर जाऊ नये यासाठी पोलिसांनी सर्व उपाययोजना हाती घेतली आहे. तिथे अतिरिक्‍त पोलिस कर्मचाऱ्यांबरोबर आयआरबीच्‍या तुकड्याही तैनात केल्‍या आहेत, अशी माहिती दक्षिण गोव्‍याच्‍या पोलिस अधीक्षक सुनीता सावंत यांनी दिली.
काँग्रेस अल्‍पसंख्‍याक विभागाचे अध्‍यक्ष शेख नियाजी यांनी अन्‍य पदाधिकाऱ्यांबरोबर आज सावंत यांची भेट घेऊन मुस्लिमांवर होणारे हल्‍ले आणि मारहाणीच्‍या घटना यावर चिंता व्‍यक्‍त केली. अशाप्रकारे गोव्‍यातील शांतता बिघडत चालली असून अशाप्रकारच्‍या विध्‍वंसक शक्‍तींना पोलिसांनी वेळीच आळा घालण्‍याची मागणी त्‍यांनी केली.
यावेळी सावंत यांनी काणकोणात कुठल्‍याही प्रकारे कायदा व सुव्‍यवस्‍था बिघडणार नाही आणि धार्मिक सलोखा चिघळणार नाही, यासाठी सर्व ते उपाय घेतले आहेत. काणकोणच्या पोलिस उपअधीक्षकांसह पोलिस निरीक्षकांना दक्ष राहण्‍यास सांगितले आहे, असे त्‍यांनी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.