सासष्टी: गोव्यात भारतीय जनता पक्षाने २०२७च्या विधानसभा निवडणुकीची तयारी सुरू केली असून सध्या संपूर्ण गोव्यात सदस्य मोहीम राबविण्यात आली आहे. त्यासाठी कार्यकर्त्यांना मार्गदर्शन करण्यासाठी कार्यशाळा आयोजित केल्या जात आहेत. अशाच प्रकारची एक कार्यशाळा शनिवारी भाजपच्या दक्षिण गोवा जिल्हा कचेरीत आयोजित करण्यात आली होती.
गेल्यावेळी गोव्यात चार लाख सदस्य करण्यात आले होते. यावेळी त्यापेक्षा जास्त सदस्य करण्याचे उद्दीष्ट असल्याचे पक्षाचे राज्य सरचिटणीस ॲड. नरेंद्र सावईकर यांनी सांगितले. राज्यस्तरावरील कार्यशाळा पणजीत झाली व ही जिल्हास्तरीय कार्यशाळा असून यात दक्षिण गोव्यातील कार्यकर्ते सहभागी झाल्याचे त्यांनी सांगितले.
पक्षाचे कार्यकर्ते गावागावांमध्ये जाऊन सदस्य नोंदणी करतील त्याचप्रमाणे ऑनलाईन सदस्य होण्याचाही पर्याय आहे. यासंदर्भातील माहिती कार्यकर्त्यांना टप्प्याटप्प्याने कळविली जाईल, असेही सावईकर यांनी सांगितले. याप्रसंगी अन्य सरचिटणीस दामोदर नाईक, भाजपचे दक्षिण गोवा जिल्हा समितीतील पदाधिकारी उपस्थित होते.
या कार्यशाळेत सदस्य करण्याची मोहीम कशी असेल याबद्दल कार्यकर्त्यांना मार्गदर्शन करण्यात आले. सरकारचे काम, पंतप्रधान नरेंद्र मोदी यांचे नेतृत्व यावरून सदस्य संख्या निश्चितच वाढेल, असा विश्र्वास सावईकर यांनी व्यक्त केला. आमचा लोकांवर पूर्ण विश्र्वास आहे व ते आम्हाला चांगला प्रतिसाद देतील, असे सावईकर यांनी सांगितले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.