पणजी: हुंडाप्रकरणी मानसिक व शारीरिक छळाच्या आरोपाखाली सुरू असलेल्या खटल्यातून अकसर अली, जमिला अली, सलिमा होंबार्डी, फमिदा अली आणि खुदबद्दीन होंबार्डी यांना न्यायालयाने बारा वर्षांनंतर निर्दोष मुक्त केले.
या प्रकरणात त्यांच्यावर २ लाख रुपयांच्या हुंड्यासाठी अकसरची पत्नी अफरीन चिगरिहल्ली हिचा छळ केल्याचा आरोप होता. तसे आरोपपत्रही दाखल झाले होते.
निवाडा देताना न्यायालयाने म्‍हटले की, भारतीय दंड संहितेच्‍या कलम ४९८(अ) अंतर्गत सरकारी पक्ष आरोप सिद्ध करू शकला नाही. पीडितेच्या वडिलांना तक्रारीबाबत माहिती नव्हती. पंचनामा विश्‍‍वसनीय नव्हता आणि वैद्यकीय पुरावेही अपुरे ठरले.
न्यायाधीश अक्षता काळे यांनी नमूद केले की, अस्पष्ट आणि सर्वसाधारण आरोपांवरून कलम ४९८ (अ) अंतर्गत आरोप सिद्ध होऊ शकत नाही. पीडितेच्या साक्षीवर संपूर्ण खटला उभा होता, परंतु हुंड्याची मागणी कधी, कुठे व कोणासमोर केली गेली, हे स्पष्ट नसल्याने पुरावा अपुरा ठरला. सरकारी पक्षाने सुनावणीदरम्यान आरोप सिद्ध करण्यासाठी आवश्यक पुरावे पुरेसे नसल्याची कबुली दिली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.