म्हापसा: शिरसई येथे झालेल्या ‘हिट अॅण्ड रन’ अपघातातील संशयित ट्रकचालक मंजुनाथ संगाप्पा कोटागोंडा (२५, रा. बिजापूर-बेळगाव) यास कोलवाळ पोलिसांनी अखेर अटक केली. या अपघातात जखमी दुचाकीस्वार मंदार मंगलदास धुरू (२२, रा. दाबोस - सत्तरी) यांच्यावर गोमेकॉत उपचार सुरू आहेत.
हा अपघात सोमवारी २१ रोजी पहाटे ३.२० च्या सुमारास शिरसई येथे कोमुनिदाद सभागृहासमोर घडला होता. जखमी मंदार धुरी हा जीए - ०४ - पी - ९१२९ क्रमांकाच्या मोटारसायकलवरून म्हापशाहून अस्नोड्याच्या दिशेने जात होता. वाटेत घटनास्थळी अज्ञात ट्रकने विरुध्द दिशेने येत दुचाकीला धडक दिली.
या अपघातात दुचाकीस्वार गंभीर जखमी होऊन बेशुध्दावस्थेत पडला. संशयित ट्रकचालकाने जखमीला वैद्यकीय उपचार न देता तसेच पोलिसांना घटनेची माहिती न देताच वाहनासमवेत घटनास्थळावरून पळ काढला होता.
या घटनेची माहिती मिळताच कोलवाळ पोलिसांनी घटनास्थळी धाव घेतली. रुग्णवाहिकेतून जखमीला उपचारार्थ म्हापसा जिल्हा इस्पितळात व नंतर गोमेकॉत दाखल केले, तेथे त्याच्यावर उपचार सुरू आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.