पणजी: गोव्यातील अपघातांच्या घटना काही केल्या कमी होताना दिसत नाहीत. राज्यात दररोज होणाऱ्या अपघाताच्या घटनांमुळे प्रशासनाची डोकेदुखी वाढली आहे. याचदरम्यान झुआरी पुलावरुन अपघाताची एक घटना समोर आली. बुधवारी (9 जुलै) संध्याकाळी ही अपघाताची घटना घडली. सुदैवाने या घटनेत कोणतीही जीवितहानी झाली नाही. चालकाचे कारवरील नियंत्रण सुटल्याने हा अपघात झाल्याचे सांगितले जात आहे.
मिळालेल्या माहितीनुसार, बुधवारी संध्याकाळी झुआरी पुलावर सुमारे 1.50 कोटी किमतीच्या एका लक्झरी बीएमडब्ल्यू एम4 कॉम्पिटिशन कारचा अपघात झाला. चालकाचे या हाय-परफॉर्मन्स स्पोर्ट्स कारवरील नियंत्रण सुटल्याने हा अपघात झाला. रस्त्यावर पाणी असल्याने कार अ‍ॅक्वाप्लेन झाली, ज्यामुळे ती घसरुन पुलाच्या कठड्यांना जाऊन धडकली. या धडकेमुळे कारचे नुकसान झाले. मात्र या घटनेत कोणतीही जीवितहानी झाली नाही. अपघातामुळे पुलावरील वाहतूक काही काळासाठी विस्कळीत झाली.
दरम्यान, काही दिवसांपूर्वी झुआरी पुलावरुन कार आणि टेम्पोच्या अपघाताची घटना समोर आली होती. या अपघातात कारचे मोठे नुकसान झाले होते. सुदैवाने या अपघातात (Accident) कोणालाही गंभीर दुखापत झाली नव्हती. मात्र अपघातामुळे मार्गावर काही काळासाठी वाहतूक विस्कळीत झाली होती. दुसरीकडे, सततच्या पावसामुळे राज्यात विविध पडझडीच्या घटना घडत असताना अपघाताच्या घटना देखील समोर येत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.