डिचोली: डिचोली शहराला लागून असलेल्या नारायण झांट्ये महाविद्यालयाच्या आवारात क्षुल्लक कारणावरुन एका विद्यार्थ्याच्या भाडोत्री मित्राने दुसऱ्या एका विद्यार्थ्याला बेदम मारहाण करण्याचा प्रकार शनिवारी घडला. या प्रकरणी पोलिसांनी त्या भाडोत्री युवकाला अटक केली आहे आहे.
मारहाणीचा हा प्रकार नारायण झांट्ये महाविद्यालयाच्या मुख्य फाटकापाशी घडला. अंतर्गत निवडणुकीच्या वादातून ही मारहाण झाल्याची माहिती आहे. महाविद्यालयाच्या गेटवर एका विद्यार्थ्याने आणलेल्या भाडोत्री मित्राने अन्य एका विद्यार्थ्याला मारहाण केली.
मारहाण करताना गाडीची चावी विद्यार्थ्याच्या गालाला लागल्याने तो जखमी झाला, अशी माहिती मिळाली आहे. जखमी विद्यार्थी हा मये पंचायत क्षेत्रातील तर मारहाण करणारा युवक हा डिचोली शहरातील विद्यार्थ्याचा मित्र असल्याचे समजते.
या प्रकरणी डिचोली पोलिसांनी गुन्हा नोंद करुन मारहाण करणाऱ्या युवकाला अटक केली आहे. तर जखमी विद्यार्थ्यावर उपचार सुरू असल्याची माहिती मिळाली. दरम्यान, मारहाणीचा हा प्रकार घडल्यानंतर संबंधित कॉलेजचे विद्यार्थी डिचोली पोलिस स्थानकावर जमा झाले होते. तेथे वातावरण काहीसे तणावपूर्ण बनले होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
