Goa Cashew Price: काजूबियासंदर्भात सावंत सरकारकडून आधारभूत किमतीचे गाजरच!

काजूला दीडशे रुपये आधारभूत किंमत जाहीर केली होती.
Goa Cashew Price
Goa Cashew PriceGomantak Digital Team

Goa Cashew Price: सत्तरी तालुका काजू पिकांनी बहरलेला आहे. डोंगर, माळरानावर अनेक ठिकाणी काजूची झाडे आहेत. पण गेल्या काही वर्षांपासून काजूबियांना चांगला दर मिळत नाहीय. त्यामुळे बागायतदार हवालदिल बनले आहेत.

गेल्या काही वर्षांपासून त्‍यांना आधारभूत किमतीचे गाजर दाखविण्यात येत आहेत. पण प्रत्‍यक्षात हाती काहीच नाही. याबाबतची अधिसूचना कधी जाहीर होणार याकडे सर्वांचे लक्ष लागून राहिले आहे.

सरकारने यावर्षीही काजूला दीडशे रुपये आधारभूत किंमत जाहीर केली होती. पण त्याच्‍या कार्यवाहीची अंमलबजावणी अजून तरी झालेली नाही.

त्यामुळे सत्तरी तालुक्यातील बागायतदार वर्ग विवंचनेत सापडला आहे. याबाबत सोनाळ-तार येथील रणजीत राणे म्हणाले की, सरकार प्रत्येक वेळी लोकांची फसवणूक करीत आले आहे.

Goa Cashew Price
Bicholim Amthane Dam : मगरींमुळे आमठाणे धरण पर्यटनासाठी बनले असुरक्षित

दोन वर्षांपूर्वी 125 रुपये किंमत देणार असे सांगितले होते. त्यानुसार सत्तरीतून अनेकांनी कृषी खात्यात अर्जही सादर केले होते. पण आधारभूत किमतीचा अजूनही पत्ता नाही. आता यावर्षी दीडशे रुपयांचे गाजर दाखविण्यात आले आहेत.

लोकांनी केवळ सरकार दरबारी कागदपत्रे सादर करायची, हातात मात्र दमडीही मिळत नाही.

Goa Cashew Price
M R Ramesh Kumar: वायुप्रदूषणाचा निसर्गावर विपरित परिणाम

सरकारकडून मिळतात फक्त आश्‍‍वासने

सावर्डे येथील रघू गावकर यांनी सांगितले की, काजूबियांना चांगला दर मिळत नाही ही बागायतदारांची मोठी शोकांतिका होय. सरकारकडून फक्त आश्‍‍वासने दिली जातात. प्रत्यक्षात कार्यवाही काही नाही. आधारभूत किंमतच वेळेत मिळत नसल्याने हा कोणता आधार? असा सवाल आम्हाला पडतो. तर, मासोर्डेचे गौरीश गावस म्हणाले की, काजू पीक हे सत्तरीतील लोकांचे प्रमुख पीक आहे.

Goa Cashew Price
Goa Petrol-Diesel Price: गोव्यातील इंधनाचे दर स्थिर, जाणून घ्या आजचे पेट्रोल-डिझेलचे दर

काजू आयात धोरण जोपर्यंत बंद होत नाही, तोपर्यंत गोव्यातील काजूबियांना चांगला दर मिळणे कठीण आहे. त्यातच सरकार लोकांना नवनवीन आश्वासने देत असते. आधारभूत किंमत देण्यासाठी अजूनपर्यंत सरकारने योग्य पावले उचललेली नाहीत. त्यामुळे सत्तरीतील बागायतदार उदासीन बनलेला आहे.

Goa Cashew Price
जपानचे F-15 हे लढाऊ विमान हवेतून अचानक झाले गायब

गेल्या काही वर्षांपासून काजूबियांना 100 ते 130 रुपये किलो असा दर आहे. वाढत्या महागाईच्या काळात हा दर परवडणारा नाही. सध्‍याच्या घडीला बागायतदारांनाच स्वत:चे पैसे या कामासाठी खर्च करावे लागताहेत.

सत्तरीतील काजू बिया चवदार असतात. या बियांना कमीत कमी 200 रुपये दर अपेक्षित आहे. मात्र दीडशे रुपयेसुद्धा दर मिळत नाही हे आमचे दुर्देव म्हणावे लागेल.

ॲड. भालचंद्र मयेकर, वाळपई

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com