Cutbona Jetty: कुटबण जेट्टीवरील वाहतूक समस्या सोडवण्यासाठी अधिकाऱ्यांची बैठक!!

Cutbona fishing Jetty traffic issue

कुटबण जेट्टीवरील स्वच्छतेच्या समस्यांवर लक्ष दिल्यानंतर आता अधिकाऱ्यांनी कुटबण जेट्टीवरील वाहतूकीच्या समस्येवर लक्ष केंद्रित केले आहे. कुटबण फिशिंग जेट्टीवरील वाहतुकीची समस्या सोडवण्यासाठी सोमवारी (दि. ७ ऑक्टोबर) रोजी अधिकाऱ्यांची एक बैठक घेण्यात आली. या बैठकीला बैठकीला मत्स्य विभागाचे अधिकारी, कुंकळी पोलीस, वाहतूक कक्षातील अधिकारी आणि समुद्र किनाऱ्यावरील जबाबदारी सांभाळणारे पोलीस अधिकारी उपस्थित होते.

या बैठकीत फिश व्हेसल्सच्या पार्किंगसह वाहतुकीशी संबंधित विविध मुद्द्यांवर चर्चा करण्यात आली आणि चर्चेच्या शेवटी जेट्टीवर विनाकारण वाहने उभी केल्याने वाहतूक आणि पार्किंगची समस्या निर्माण होत असल्याचे निदर्शनास आले. यावर उपाय म्हणून जेट्टीवर येणाऱ्या मालकांसाठी ओळखपत्र तयार करण्याचा प्रस्ताव मांडण्यात आलाय तसेच माशांची वाहतूक करणाऱ्या वाहनांनी बोटी बंदरावर असतानाच जेट्टीवर यावे असा उपाय सुचवण्यात आलाय.