फोंडा: शिगाव येथील श्री सातेरी देवस्थानचा दरवजा उघडण्यासाठी अज्ञात चोर प्रयत्न करीत असता पोलिस पॅट्रोलिंग जीप आल्याने त्यांचा प्रयत्न असफल झाला. हा प्रकार शुक्रवारी (ता.१) उत्तररात्री घडला.
पोलिसांनी दिलेल्या माहितीनुसार, दररोज श्री सातेरी देवस्थानच्या ठिकाणी आम्ही पोलिस पॅट्रोलिंग करतो. रोजच्याप्रमाणे त्या ठिकाणी आम्ही गेलो तेव्हा एक पांढरी स्कूटर दृष्टीस पडली व मंदिराचा मुख्य दरवाजाच्या ठिकाणी स्क्रू ड्रायव्हर पडलेला दिसला.
आम्ही त्या ठिकाणी बारकाईने पाहिले तेव्हा दरवाजात छेडछाड झाल्याचे दिसले. सभोवती पाहिले पण कोणीही दृष्टीस पडले नव्हते. आम्ही या भागातील संपूर्ण सीसीटीव्ही तपासणी केली तेव्हा दोघे दुचाकीवरून जात असल्याचे कॅमेऱ्यात कैद झाले आहे. आम्ही त्यांच्या मागावर असून त्यासंदर्भात तपास करीत आहोत.
दरम्यान, कुळे शिगाव पंचायतीने या भागात सीसीटीव्ही बसविले आहेत; पण अनेक दिवस झाले काही सीसीटीव्ही अद्याप कनेक्शन दिले नसल्याने ग्रामस्थांनी नाराजी व्यक्त केली आहे.
माटोजेतही झाला चोरीचा प्रयत्न
माटोजे येथील प्रशांत सावंत यांची दुचाकी वाळवंट या ठिकाणी पार्क करून ठेवली असता शिगावहून ती चोरून नेण्यास चोरटे यशस्वी झाले. शिगाव ते बिंबलमार्गे मोले बाजार येथे पोहोचले तेव्हा समोरून येणारी पोलिस पॅट्रोलिंगची गाडी पाहून त्यांनी दुचाकी रस्त्यावरच ठेवून जंगलात धूम ठोकली. पोलिसांनी पाठलाग केला; पण चोरटे सापडले नाहीत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.