Leopard Attack: व्हरांड्यात बसलेल्या कुत्र्यावर बिबट्याची झडप; मध्यरात्रीचा थरार सीसीटीव्हीत कैद

Goa Leopard Attack

हरमल: रात्री घराच्या व्हरांड्यात बसलेल्या कुत्र्यावर बिबट्याने झडप घालून त्याला मानेला धरून उचलून नेण्याचा प्रयत्न केला असता, घरातील लोक जागे झाल्याने कुत्र्याला तिथेच टाकून बिबट्याने धूम ठोकली. हा सारा प्रकार घरातील सीसीटीव्हीत कैद झाला आहे.

२२ रोजी रात्री दोनच्या सुमारास हा प्रकार घडला. येथील देवस्थानकडे जाणाऱ्या रस्त्याबाजूला सागर नानोस्कर यांचे घर आहे. घराच्या व्हरांड्यात बिबट्याने प्रवेश केला व कुत्र्याला झडप घालून पकडले. कुत्र्याची ओरड ऐकून नानोसकर कुटुंब जागे झाल्याने बिबट्याने पळ काढली.

पकडण्यासाठी पिंजरा लावणार

याबाबत सागर नानोस्कर यांनी वन विभागाला कळवले असून अधिकाऱ्यांनी या ठिकाणी पिंजरा लावण्याचे आश्‍वासन दिले आहे, असे नानोस्कर यांना सांगितले. कोरकणवाडा, पाण्याची टाकी, वरचावाडा, देऊळवाडा आदी भागात या बिबट्याचा संचार असून आतापर्यंत त्याने तीन कुत्र्यांचा फडशा पाडला आहे.