मुरगाव बंदर प्राधिकरण पहिल्या मंडळ सदस्य पदी गौतम सावंत

Mormugao Port Authority: गौतम सावंत यांची भारत सरकारच्या बंदरे, जहाज व जलमार्ग मंत्रालयाने मुरगाव बंदर प्राधिकरण ( एमपीए )च्या पहिल्या मंडळावर सदस्य म्हणून नियुक्ती केली आहे.

(Appointment of Gautam Sawant as member on the first board of Mormugao Port Authority)

गौतम 14 जुलै 1997 रोजी एमडीएलबीमध्ये लिपिक म्हणून सेवेत रुजू झाले. सध्या वरिष्ठ कामगार निरीक्षक म्हणून काम करत असून ते गेल्या तीन वर्षापासून गोवा पोर्ट अँड डॉक एम्पलोयीज युनियनचे उपाध्यक्ष आहेत. दरम्यान मुरगाव बंदर प्राधिकरणाच्या पहिल्या मंडळावर नियुक्ती झाल्याबद्दल गौतम सावंत यांचा गोवा पोर्ट अँड डॉक एम्पलोयीज युनियनने सत्कार केला.

यावेळी युनियनचे अध्यक्ष लक्ष्मीकांत गावडे, सरचिटणीस आभय फळदेसाई, खजिनदार अभय राणे, सीएचएलडीचे कार्यकारणी सदस्य उदय फडते, दामू पेटकर, साईनाथ मेस्ता, लक्ष्मण दोडमणी, निलेश खर्डे आधी उपस्थित होते.