Goa News : पणजीत अखिल गोवा सोलो तबला वादन स्पर्धा

Goa News : पणजी, गोमंतक मराठा समाज तिसवाडी तालुका समितीतर्फे कै. गजानन शांताराम आमोणकर यांच्या स्मरणार्थ अखिल गोवा सोलो तबला वादन स्पर्धा आयोजित केली आहे. ही स्पर्धा रविवार, ३ डिसेंबर रोजी सकाळी ९ वाजल्यापासून दयानंद स्मृती गोमंतक मराठा समाज सभागृह पणजी येथे होणार आहे.

या स्पर्धेत १२ ते १८ वर्षांपर्यंत मुले भाग घेऊ शकतात. ही स्पर्धा सर्व समाजातील मुलांसाठी खुली आहे. स्पर्धेच्या प्रवेशिका ५ ते २५ नोव्हेंबरपर्यंत गोमंतक मराठा समाजाच्या कार्यालयात उपलब्ध करण्यात येतील.

परंतु स्पर्धेच्या नियमाप्रमाणे प्रथम येणाऱ्या फक्त २० प्रवेशिकांना मंजुरी देण्यात येईल, याची स्पर्धकांनी नोंद घ्यावी, असे आयोजकांतर्फे जाहीर केले आहे.

स्पर्धेत प्रथम- ५,००० रुपये व चषक, द्वितीय- ४,००० व चषक, तृतीय- ३,००० व चषक आणि उत्तेजनार्थ १,००० रुपयांची प्रत्येकी ३ बक्षिसे तसेच प्रत्येक स्पर्धकाला प्रशस्तिपत्र देण्यात येईल. स्पर्धेच्या अटी'', नियम व इतर सविस्तर माहितीसाठी सुनिता पेडणेकर, नरेश आमोणकर, महेश्वरी वळवईकर यांच्याशी संपर्क साधावा.