Mandrem Drowning Death: पोहोल्याने मैत्रीण वाचली मात्र रशियन नागरिकाचा समुद्रात बुडून दुर्दैवी मृत्यू

पेडणे: मांद्रे समुद्र किनाऱ्यावर पोहायला गेलेल्या एक रशियन नागरिकाचा बुडून अपघाती मृत्यू झाला आहे. मांद्रे पोलिसांनी घटनेची माहिती मिळताच त्यांनी या अनैसर्गिक मृत्यूची नोंद करत तपास हाती घेतला.

पोलिसांनी सांगितले की त्यांना समुद्रात एक मृतदेह वाहून गेल्याची माहिती मिळाली आणि पुढील तपास केल्यानंतर हा मृतदेह दिमित्री चुवाकाएव नावाच्या ३४ वर्षीय रशियन नागरिकाचा असल्याची ओळख पटली.

मृत व्यक्ती एका मैत्रिणीसोबत मांद्रे समुद्रकिनाऱ्यावर पोहायला गेली असता, पोहोताना पाण्याचा जोरदार प्रवाह आला आणि ते दोघे वाहून गेले.

सोबत असलेल्या मैत्रिणीने खडकापर्यंत पोहून स्थानिकांच्या मदतीने स्वतःचा जीव वाचवला मात्र

दिमित्री चुवाकाएव यांचा समुद्राच्या प्रवाहात बुडून मृत्यू झाला असल्याची माहिती मांद्रे पोलिसांनी दिली आहे.