पणजी, कदंब ट्रान्सपोर्ट कॉर्पोरेशन लिमिटेड केटीसीएलच्या मालकीच्या मोठ्या आणि मिनी बसेससह इलेक्ट्रिकल बस, बिगर मोटार चालवलेल्या रस्त्यांवरील इलेक्ट्रिकल बग्गी इत्यादींसह ६० नवीन बसेसचा ताफा पणजी आणि आजूबाजूच्या परिसरात धावणाऱ्या खासगी बसेसच्या जागी स्मार्ट सिटी प्रकल्पाखाली धावणार आहे.
याबाबतची अधिसूचना बुधवारी राज्याच्या वाहतूक विभागाने जारी केली आहे. डिसेंबर, २०२३ च्या शेवटच्या आठवड्यात या संदर्भातील एक मसुदा अधिसूचना, सार्वजनिक सूचना आणि अभिप्रायांसाठी खुली करण्यात आली होती. सदर योजनेवर जनतेकडून आलेल्या हरकती आणि सूचनांचा सरकारने विचार केला आहे, असे बुधवारी जारी केलेल्या अधिसूचनेत नमूद करण्यात आले आहे.
पणजी बस स्टँड ते मिरामार, दोनापावला, करंझाळे, बांबोळी गोवा विद्यापीठ, कुजिरा, ताळगाव, सांतिनेज, सांताक्रुझ आणि अल्तिनो या योजनेंतर्गत समाविष्ट असलेल्या मार्गांचा समावेश आहे. या मार्गांवर कदंबने सुरू केलेल्या स्मार्ट बसेस मार्गानुसार कलर कोड केलेल्या असतील आणि त्या क्यूआर कोड तिकीट सारख्या सेवा देतील. प्रवाशांकडून १० रुपये आणि २० रुपये भाडे आकारण्याचा प्रस्ताव आहे, असे अधिसूचनेत नमूद केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.