राज्यात गेल्या काही दिवसांपासून सातत्याने विद्यार्थ्यांच्या आत्महत्येच्या घटना समोर येतायेत. यातच आता, फोंडा-फार्मागुडी येथून एक धक्कादायक घटना समोर आली आहे. फोंडा-फार्मागुडी येथील आयआयटीमध्ये शिकणाऱ्या मध्य प्रदेशच्या 19 वर्षीय विद्यार्थीनीने गर्ल्स हॉस्टेलमधील खोलीत गळफास घेवून जीवन संपवले. जिव्या विजयकुमार खती असे या विद्यार्थ्यीनीचे नाव आहे. मात्र जिव्याने इतक्या टोकाचे पाऊल का उचलले याचे कारण अद्याप समजू शकलेले नाहीये. फोंडा पोलिस याप्रकरणी तपास करतायेत.
काही दिवसांपूर्वी, पणशे पिसूर्ले सत्तरी येथून अशीच घटना समोर आली होती. येथे एका 22 वर्षीय तरुणीने आपल्या राहत्या घरी गळफास घेऊन आत्महत्या केल्याची घटना समोर आली होती. ही तरुणी साखळी येथील मॅनेजमेंट कॉलेजमध्ये शिकत होती. प्रेमप्रकरणातून तरुणीने हे टोकाचे पाऊल उचलले असल्याचे समोर आले होते.
दरम्यान, हैदराबाद येथील सिरीगम नागराजू (32) याने दाबोळी येथील एका हॉटेलमध्ये गळफास लावून आत्महत्या केल्याची घटना समोर आली होती. सिरीगम नागराजू हा दाबोळी येथील एका हॉटेलमध्ये उतरला होता. नागराजूने गळफास घेऊन आत्महत्या केल्याचे दुपारी दोन वाजता उघडकीस आले होते.
सकाळपासून रुम उघडत नसल्याने हॉटेल कर्मचाऱ्याने दरवाजा ठोठावला, पण कोणत्याच प्रकारचा प्रतिसाद मिळत नसल्याने त्याने डुप्लिकेट चावीने दरवाजा उघडला. तेव्हा त्यांना नागराजू पंख्याला गळफास लावून घेतलेल्या स्थितीत आढळला. त्यांनी लागलीच याची माहिती वास्को पोलिसांना दिली. वास्को पोलिस घटनास्थळी दाखल झाले व पंचनामा केला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.