'युध्द संपवण्याबाबत युक्रेनबरोबर चर्चेसाठी तयार'

रशियन सैन्याने युक्रेनमध्ये भयंकर विध्वंस घडवून आणला आहे. दोन्ही बाजूंनी झालेल्या हल्ल्यात मोठ्या प्रमाणात जीवित आणि वित्तहानी झाली आहे. यातच आता युध्द संपविण्यासाठी आपण तयार असल्याचे रशियाकडून (Russia) सागंण्यात आले आहे. त्याचबरोबर अणुहल्ल्याचा इशारा दिला नसल्याचे देखील रशियाकडून स्पष्ट करण्यात आले आहे. (Russia has said it is ready to end the war)

दरम्यान, रशियाचे परराष्ट्र मंत्री सर्गेई लावरोव्ह यांनी पाश्चात्य देशांच्या नेत्यांवर अणुयुद्धाला आव्हान दिल्याचा आरोप केला आहे. रशियाने युक्रेनवर हल्ला केल्यानंतर हे वक्तव्य करण्यात आले आहे. रशियाचे परराष्ट्र मंत्री सर्गेई लावरोव यांनी रशियन आणि परदेशी माध्यमांना दिलेल्या ऑनलाइन मुलाखतीत म्हटले की, तिसरे महायुद्ध केवळ अण्वस्त्रांनीच लढले जाईल हे स्पष्ट आहे. तसेच "मला हे ही स्पष्ट करायचे आहे की, अणुयुद्धाची कल्पना आम्हाला आहे. मात्र पाश्चात्य देशांच्या नेत्यांच्या मनात अशाप्रकारचे विचार सातत्याने येत आहेत.'