Elon Musk: तब्बल सात वर्षानंतर एलन मस्क वडिलांना भेटले, कुटुंबियांच्या डोळ्यात तरळले अश्रु

Elon Musk: जगातील प्रसिद्ध उद्योगपती आणि एक्सचे मालक एलन मस्क यांनी तब्बल सात वर्षानंतर वडील एरोल मस्क यांची भेट घेतली. मागील आठवड्यात स्पेस एक्सने स्टारशिप लाँच केल्यानंतर बापलेकांची भेट झाली.

द सनमध्ये प्रसिद्ध झालेल्या वृत्तानुसार, टेक्सासमधील बोका चिका येथे दोघांची भेट झाली.

सात वर्षांनंतर प्रथमच एलन मस्क त्याच्या वडिलांना भेटले, असे द सनमध्ये म्हटले आहे. दोघांमध्ये गेल्या काही वर्षांपासून तणावपूर्ण संबंध आहेत, पण, यावेळी दोघांनी मतभेद बाजूला ठेवून एकमेकांना भेट घेतली.

यापूर्वी 2016 मध्ये दोघांची भेट झाली होती, यावेळी एरोल मस्क यांचा 70 वा वाढदिवस साजरा त्यांनी एकत्र साजरा केला होता.

मुलगा एलनला पाहून एरोल खूप आनंदी झाले आणि तर एलन देखील वडिलांना पाहून खूप आनंदी दिसले, असे द सनच्या वृत्तात म्हटले आहे.

भेटीनंतर दोघेही लगेच एकमेकांच्या शेजारी बसले आणि एकमेकांशी बोलू लागले, असेही त्या वृत्तात म्हटले आहे. दोघांच्या या भेटीला "हृदयस्पर्शी क्षण" असे म्हटले आहे.

दरम्यान, एलन मस्क यांच्या कंपनी स्पेसएक्सने जगातील सर्वात शक्तिशाली रॉकेट 'स्टारशिप' तयार केले आहे. शनिवारी सकाळी ते लॉन्च करण्यात आले. मात्र काही वेळाने त्याचा स्फोट झाला. एलन मस्क यांची ही दुसरी स्टारशिप होती, लॉन्चनंतर ती अपयशी ठरली.

लिफ्टऑफनंतर सुपर हेवी बूस्टर आणि स्टारशिप यशस्वीरित्या वेगळे झाले. स्टारशिपने त्याचे इंजिन सुरू केले. पण त्यानंतर सुपर हेवी बूस्टरमध्ये स्फोट झाला. मेक्सिकोच्या आखातावर ज्वाळा दिसत होत्या.