आधी शारीरिक संबंध ठेवले, नंतर… RCB च्या स्टार खेळाडूवर तरूणीचा गंभीर आरोप, अटक होण्याची शक्यता

रॉयल चॅलेंजर्स बंगळुरूचा वेगवान गोलंदाज यश दयालविरुद्ध गाझियाबादमध्ये लैंगिक शोषणाचा गुन्हा दाखल करण्यात आला आहे. त्याच्याविरुद्ध गंभीर कलमांखाली गुन्हा दाखल करण्यात आला आहे. यश दयालवर लग्नाचे आमिष दाखवून तरूणीचा पाच वर्षे शारीरिक, मानसिक आणि भावनिक छळ केल्याचा आरोप आहे. महिलेने न्यायालयात जबाब देण्यापूर्वी पोलिसांकडे पुरावे सादर केले आहेत.

गाझियाबाद पोलिस लवकरच पीडित तरूणीचा जबाब दंडाधिकाऱ्यांसमोर नोंदवणार आहेत. त्यानंतर तरूणीची वैद्यकीय तपासणी देखील केली जाईल. तरूणीने आरोप केला आहे की ती गेल्या ५ वर्षांपासून यश दयालसोबत संबंधात होती.

या काळात दयालने लग्नाचे आमिष दाखवून तिचे मानसिक, भावनिक आणि शारीरिक शोषण केले. एफआयआरमध्ये असे म्हटले आहे की यशने त्या तरूणाची त्याच्या कुटुंबाशीही ओळख करून दिली, तसंच लग्न करू असे आश्वासन दिले. परंतु नंतर तो त्याच्या वचनापासून मागे हटला.

तरूणीच्या तक्रारीवरून पोलिसांनी ६ जुलै रोजी इंदिरापुरम पोलिस ठाण्यात एफआयआर नोंदवला. भारतीय न्याय संहितेच्या (बीएनएस) कलम ६९ अंतर्गत हा गुन्हा दाखल करण्यात आला आहे, जो खोटे आश्वासन देऊन शारीरिक संबंध ठेवून शोषण करण्याशी संबंधित आहे.

हे कलम अजामीनपात्र आहे आणि दोषी आढळल्यास जास्तीत जास्त १० वर्षांच्या शिक्षेची तरतूद आहे. तसेच, पोलिसांना तत्काळ अटक करण्याचा अधिकार देखील आहे.

सूत्रांनी दिलेल्या माहितीनुसार, तरूणीचाने यश दयालविरुद्ध काही इलेक्ट्रॉनिक पुरावेही पोलिसांकडे सादर केले आहेत, ज्याची चौकशी सुरू आहे. तरूणीचा न्यायालयात जबाब नोंदवल्याशिवाय कोणतीही कायदेशीर कारवाई केली जाणार नाही. सर्व पुरावे सखोल तपासले जात असल्याचे पोलिस अधिकाऱ्याने सांगितले.

एफआयआरमध्ये असेही नमूद केले आहे की जेव्हा तरूणीचाने विरोध केला तेव्हा तिला मारहाण आणि मानसिक छळाला सामोरे जावे लागले.

यश दयाल या वर्षी आरसीबीच्या आयपीएल विजयी संघाचा भाग होता आणि त्याला भारताच्या कसोटी आणि टी-२० संघात स्थान देण्यात आले आहे, जरी त्याने अद्याप आंतरराष्ट्रीय पदार्पण केलेले नाही. सध्या या प्रकरणात त्याच्याकडून कोणतेही अधिकृत विधान आलेले नाही.