Haryana Crime: हरियाणातील नूह येथून एक धक्कादायक घटना समोर आली आहे. एका विवाहित महिलेने आधी पतीची हत्या केली आणि मृतदेह लटकवला. त्यानंतर तिने तीन निष्पाप मुलांची हत्या केली. त्यानंतर महिलेने खोलीचा दरवाजा बंद करुन तेथून पळ काढला. ही घटना शुक्रवारी रात्री उशिरा घडली. शनिवारी सकाळी ही बाब नातेवाइकांना समजताच एकच खळबळ उडाली. घाईघाईत या प्रकरणाची माहिती पोलिसांना देण्यात आली. यानंतर पोलिसांनी घटनास्थळ गाठून तपास सुरु केला.
दरम्यान, महिलेने तिच्या प्रियकरासह हा प्रकार केल्याचा संशय आहे. पोलिसांनी दिलेल्या माहितीनुसार, सध्या चारही मृतदेह ताब्यात घेऊन पोस्टमॉर्टमसाठी पाठवण्यात आले आहेत. आरोपी महिलेचाही शोध सुरु आहे. याप्रकरणी मृताच्या नातेवाईकांच्या फिर्यादीवरुन गुन्हा दाखल करण्यात आला आहे. नातेवाईकांच्या म्हणण्यानुसार, सकाळी ते उठले तेव्हा त्यांचा मुलगा लटकलेल्या अवस्थेत आढळून आला. तर त्यांची दोन्ही मुले आणि एक मुलगी जमिनीवर बेशुद्ध पडले होते. चौघांनीही विष दिले असल्याची भीती नातेवाइकांनी व्यक्त केली.
दुसरीकडे, ही संपूर्ण घटना नूह जिल्ह्यातील रोझकामेव पोलीस स्टेशन परिसरातील आहे. जीत सिंग उर्फ जीतन वय 34 वर्षे, मुलगा खिलाडी वय 12 वर्षे, मुलगी राधिका वय 10 वर्षे आणि मुलगा प्रियांशू वय 7 वर्षे अशी मृतांची नावे आहेत. मीना असे फरार महिलेचे नाव असल्याचे पोलिसांनी सांगितले. पोलीस चौकशीत शेजाऱ्यांनी सांगितले की, जीतनला महिलेच्या चारित्र्यावर संशय होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
