Ladakh Indian Army Vehicle Accident: केंद्रशासित प्रदेश लडाखमध्ये शनिवारी संध्याकाळी भारतीय लष्कराच्या वाहनाला अपघात झाला. राजधानी लेहजवळील कायरी गावात लष्कराचे एक वाहन दरीत कोसळले आहे. यात लष्कराच्या नऊ जवानांचा मृत्यू झाल्याची माहिती समोर आली आहे.
मृत सैनिकांमध्ये आठ सैनिक आणि एक जेसीओ (ज्युनियर कमिशन्ड ऑफिसर) यांचा समावेश आहे. तर, एक जवान जखमी झाल्याची प्राथमिक माहिती आहे.
कायरी गावाच्या सात किमीपूर्वी लष्कराच्या वाहनाचा दरीत कोसळून अपघात झाला. या अपघातात आठ जवान आणि एका जेसीओचा मृत्यू झाला आहे. या अपघातात एक जवानही जखमी झाला असून त्याला उपचारासाठी हलवण्यात आले आहे.
लष्कराची हे वाहन कारूहून कायरीच्या दिशेने जात असताना अपघात झाला. सध्या घटनास्थळी बचावकार्य सुरू असल्याचे अधिकाऱ्यांनी सांगितले.
भारतीय लष्कराच्या या तुकडीमध्ये तीन वाहनांचा समावेश असल्याचे मीडिया रिपोर्ट्समध्ये सांगण्यात येत आहे. यातील लष्कराच्या ट्रकला अपघात झाला आहे.
या पथकात तीन अधिकारी, दोन जेसीओ आणि 34 जवानांचा समावेश होता. तीन वाहनांच्या या पथकात एक जिप्सी, एक ट्रक आणि एक रुग्णवाहिका होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.