NASA asks for technology of Chandrayaan-3 To ISRO: चंद्राच्या दक्षिण ध्रुवावर चांद्रयान-3 चे सॉफ्ट लँडिंग करून भारताने इतिहास रचला. या यशानंतर जगभरात भारताचे कौतूक झाले. इस्त्रोच्या कामगिरीची सर्वस्तरांतून स्तुती करण्यात आली. अमेरिकन अंतराळ संस्था नासानेही भारताच्या यशाची कबुली दिली आहे. इस्रोचे प्रमुख एस. सोमनाथ यांनी दिलेल्या माहितीनुसार, नासाच्या शास्त्रज्ञांनी भारताकडून तंत्रज्ञान मागवले आहे.
जेव्हा आम्ही चांद्रयान-3 विकसित केले तेव्हा आम्ही नासा-जेपीएल (जेट प्रोपल्शन लॅबोरेटरी) मधील शास्त्रज्ञांना बोलावले. या शास्त्रज्ञांनी जगातील अनेक रॉकेट आणि अनेक अवघड मोहिमा राबवल्या आहेत.
नासा-जेपीएलचे पाच ते सहा -लोक इस्रोच्या मुख्यालयात आले होते. 23 ऑगस्ट रोजी चांद्रयान-3 चंद्राच्या पृष्ठभागावर सॉफ्ट लँडिंग कसे करेल हे आम्ही त्यांना समजावून सांगितले. आम्ही त्यांना आमची रचना समजावून सांगितली.
आमच्या अभियंत्यांनी ते कसे बनवले ते देखील सांगितले. या सर्व गोष्टी ऐकून ते म्हणाले की, नो कॉमेंट्स. सर्व काही चांगले होणार आहे.
रामेश्वरम येथील डॉ. एपीजे अब्दुल कलाम फाऊंडेशनच्या एका कार्यक्रमात बोलताना सोमनाथ यांनी ही माहिती दिली. रविवार, 15 ऑक्टोबर रोजी हा कार्यक्रम झाला. सोमनाथ म्हणाले की, भारत एक शक्तिशाली देश आहे.
आमचे ज्ञान आणि बुद्धिमत्तेची पातळी जगातील सर्वोत्तम देशांपैकी एक आहे. आज काळ कसा बदलत आहे हे तुम्हाला (विद्यार्थ्यांना) समजून घ्यावे लागेल. आज आम्ही सर्वोत्तम उपकरणे आणि सर्वोत्तम रॉकेट बनवत आहोत. पंतप्रधान नरेंद्र मोदी यांनी अवकाश क्षेत्र खुले केल्यामुळे हे सर्व घडत आहे.
मी विद्यार्थ्यांना अंतराळ क्षेत्रात यावे आणि रॉकेट, उपग्रह बनवा आणि तंत्रज्ञानाच्या क्षेत्रात देशाला मजबूत करा असे सांगेन. केवळ इस्रोच नाही तर प्रत्येकजण अवकाश क्षेत्रात काहीतरी करू शकतो. आज भारतात 5 कंपन्या रॉकेट आणि उपग्रह बनवत आहेत.
सोमनाथ म्हणाले की, चांद्रयान-10 मध्ये तुमच्यापैकी कोणीही त्यात बसू शकते. चांद्रयान-10 मध्ये आपण भारतातून महिला अंतराळवीर चंद्रावर पाठवू शकतो.
दरम्यान, भारतीय अंतराळ संशोधन संस्था (ISRO) 21 ऑक्टोबर रोजी गगनयान मोहिमेचे पहिले चाचणी उड्डाण करणार आहे. यानंतर, आणखी तीन चाचणी उड्डाणे केली जातील. 21 ऑक्टोबर रोजी पहिल्या चाचणी वाहन विकास उड्डाणानंतर (टीव्ही-डी1) आम्ही डी2, डी3 आणि डी4 ची योजना आखली आहे.
चांद्रयान-3 प्रक्षेपणानंतर 41 व्या दिवशी 23 ऑगस्ट रोजी चंद्रावर उतरले. यासह भारत चंद्राच्या दक्षिण ध्रुवावर उतरणारा पहिला देश ठरला. चांद्रयान-3 14 जुलै रोजी दुपारी 3.35 वाजता श्रीहरिकोटा, आंध्र प्रदेश येथून प्रक्षेपित करण्यात आले होते.
22 दिवसांनंतर, 5 ऑगस्ट रोजी ते चंद्राच्या कक्षेत पोहोचले होते. चंद्रावर पोहोचल्याच्या पाचव्या दिवशी (28 ऑगस्ट) चांद्रयान-3 ने दुसरे निरीक्षण पाठवले. यानुसार चंद्राच्या दक्षिण ध्रुवावर सल्फर आहे, असा अंदाज आहे.
याशिवाय चंद्राच्या पृष्ठभागावर अॅल्युमिनियम, कॅल्शियम, लोह, क्रोमियम आणि टायटॅनियमदेखील आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
