आयपीएल २०२५ चा एलिमिनेटर सामना गुजरात टायटन्स आणि मुंबई इंडियन्स यांच्यात खेळला जात आहे. मुंबईने पाच वेळा लीग विजेतेपद जिंकले आहे, तर गुजरातने २०२२ मध्ये हार्दिक पंड्याच्या नेतृत्वाखाली पदार्पणाच्या हंगामात विजेतेपद जिंकले आहे. या सामन्यात सर्वांच्या नजरा रोहित शर्मावर केंद्रित होत्या. रोहित शर्माने आयपीएलमधील एक मोठा विक्रम आपल्या नावे केला आहे.
रोहित शर्मा आयपीएलच्या इतिहासात ३०० षटकार मारणारा पहिला भारतीय फलंदाज बनला आहे. लीगमध्ये ३०० षटकार मारणारा पहिला भारतीय आणि दुसरा फलंदाज बनला आहे.
आयपीएलमध्ये सर्वाधिक षटकार मारण्याचा विक्रम सध्या ख्रिस गेलच्या नावावर आहे, ज्याने १४२ सामन्यांमध्ये ३५७ षटकार मारले आहेत. रोहितने २७१ सामन्यांमध्ये ३०० षटकार मारले आहेत. या यादीत विराट कोहली तिसऱ्या स्थानावर आहे, ज्याने २९१ षटकार मारले आहेत.
रोहित आता विराट कोहलीनंतर आयपीएलमध्ये ७,००० धावांचा टप्पा गाठणारा दुसरा फलंदाज बनला आहे. कोहली हा ८,००० पेक्षा जास्त आयपीएल धावा करणारा एकमेव फलंदाज आहे. आपल्या आयपीएल कारकिर्दीत, रोहितने २७१ सामन्यांच्या २६६ डावांमध्ये सुमारे ३० च्या सरासरीने ७,००० धावा पूर्ण केल्या आहेत.
मुंबई इंडियन्सचा संघ : रोहित शर्मा, जॉनी बेअरस्टो (विकेटकीपर), सूर्यकुमार यादव, तिलक वर्मा, हार्दिक पांड्या (कर्णधार), नमन धीर, राज बावा, मिचेल सँटनर, ट्रेंट बोल्ट, जसप्रीत बुमराह आणि रिचर्ड ग्लीसन.
गुजरात टायटन्सचा संघ : शुबमन गिल (कर्णधार), साई सुदर्शन, कुसल मेंडिस (विकेटकीपर), शाहरुख खान, वॉशिंग्टन सुंदर, राहुल तेवतिया, रशीद खान, रविश्रीनिवासन साई किशोर, जेराल्ड कोएत्झी, मोहम्मद सिराज आणि प्रसीद कृष्णा.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.