भारतासाठी धोक्याची घंटा : हवामान बदलामुळे हिमालयातील बर्फ जलद वितळतोय

नवी दिल्ली : हवामान बदलामुळे आणि वाढत्या जागतिक तापमानामुळे हिमालयातील बर्फ जलद वितळतोय ही भारतासाठी धोक्याची घंटा मानली जात आहे. हवामान बदलामुळे जलवायूमध्ये बदल होत आहेत. ज्यामुळे जगभरातील निम्म्याहून अधिक लोकसंख्येवर मोठे संकट घेऊन कोसळणार आहे. सतत वितळणाऱ्या बर्फामुळे आणि होणाऱ्या हवामान बदलांमुळे देशात अतिवृष्टी किंवा दुष्काळ, महापूर आणि उष्माघात असे संकटे येऊ शकतात. तर देशाचा अर्थिककणा असणाऱ्या शेतीवरही विपरित परिणाम होईल. ज्यामुळे उत्पादन कमी होईल. याबाबत इंटरगवर्नमेंटल पॅनल ऑन क्लाइमेट चेंज (IPCC) ने एक रिपोर्ट दिला आहे. ज्यामध्ये देशातील समुद्र किनाऱ्यावरील शहरे आणि हिमालयावर याचे गंभीर परिणाम होणार आहेत. आता उशिर करून चालणार नाही, नाहीतर जगासाठी परिणाम खूप धोकादायक असतील. असे म्हटले आहे. (Himalayan glaciers rapidly melting due to climate change)

तसेच IPCC च्या अहवालानुसार जगातील निम्म्या लोकसंख्येला धोका आहे. सर्व प्रयत्न करूनही पर्यावरणात सुधारणा होताना दिसत नाही. हवामान बदलामुळे (Climate change ) आणि वाढत्या जागतिक तापमानात (temperature) जर 1 ते 4 अंश सेल्सिअसने वाढले तर देशात तांदूळ (Rice), मक्याचे उत्पादन कमी होईल. तर यामुळे संपूर्ण प्रदेशावर वेगवेगळे परिणाम होतील, असा इशारा ही या अहवालात दिला आहे.

तसेच आपल्या देशाला 7,500 किमीचा समुद्रकिनारा लाभला आहे असून त्यावर मुंबई, कोलकाता, चेन्नई, विशाखापट्टणम, पुरी आणि गोवा यांसारखे महत्वाची शहरे वसली आहेत. तेथे उष्णता (Heat) वाढू शकते. तसेच हिमालयातील बर्फ (Himalayan glaciers) जलद वितळल्याने समुद्रपातळीत वाढ होऊ शकते. ज्यामुळे या तटीय शहरात पूर सारख्या समस्यांना उद्भवू शकतात. तर चक्री वादळांचा (Cyclone) धोकाही होऊ शकतो. त्यामुळे भविष्यातील धोका ओळखून राहणीमानात सुधारणा करण्याच्या मार्गांचे कसा प्रयत्न करावा. याचा उल्लेख या अहवालात केला आहे.