Sikkim: पोलिसाने 3 साथीदारांवर झाडल्या गोळ्या; 2 ठार, एक जखमी

Sikkim Police: सिक्कीम पोलिसांच्या एका जवानाने सोमवारी राजधानी दिल्लीत त्यांच्या तीन साथीदारांची गोळ्या झाडून हत्या केली. या घटनेत दोन पोलीस शहीद झाले, तर एक जवान जखमी झाल्याची माहिती आहे.

मिळालेल्या माहितीनुसार, रोहिणीतील हैदरपूर वॉटर प्लांटमध्ये तैनात असलेल्या पोलिस जवानाने भांडणामध्ये त्याच्या तीन साथीदारांवर गोळ्या झाडल्या. या घटनेत दोन पोलीस (Police) कर्मचारी शहीद झाले, तर एक जवान जखमी झाला असून त्याला उपचारासाठी रुग्णालयात दाखल करण्यात आले आहे.

तसेच, दुपारच्या सुमारास हैदरपूर वॉटर प्लांटमध्ये गोळीबाराच्या आवाजाने परिसरात खळबळ उडाली. प्लांटचे कर्मचारी तिथे पोहोचले तेव्हा त्यांना तीन पोलिस रक्तबंबाळ अवस्थेत जमिनीवर पडलेले दिसून आले. याची माहिती तातडीने पोलिसांना देण्यात आली.

शिवाय, घटनेची माहिती मिळताच पोलिसांनी घटनास्थळ गाठून आरोपी (Accused) जवानाला अटक केली. भांडणाचे कारण अद्याप समजू शकलेले नाही. पोलिसांनी मृतदेह शवविच्छेदनासाठी पाठवून घटनेचा तपास सुरु केला आहे.