Uttar Pradesh: उत्तर प्रदेशातील बरेलीमधून एक धक्कादायक घटना समोर आली आहे. इथे एका गर्भवती महिलेवर सामूहिक बलात्कार झाल्याची घटना समोर आली आहे. गँगरेपनंतर तीन महिन्यांच्या भ्रूणाचा तिच्या पोटातच मृत्यू झाला. महिलेसोबत सामूहिक बलात्काराची घटना 13 सप्टेंबर रोजी घडली होती. तीन नराधमांनी हे घाणेरडे कृत्य केले. हे प्रकरण उघडकीस आल्यानंतर एसएसपींनी कठोर कारवाईचे आदेश दिले होते.
महिला 3 महिन्यांची गर्भवती
आरोपींनी तीन महिन्यांच्या गर्भवती महिलेवर (Woman) सामूहिक बलात्कार केला. ही महिला काही कामानिमित्त शेतात गेली असता ही घटना घडली. त्याचवेळी, गावातीलच गुंडांनी या महिलेवर बलात्कार केला. बलात्कारानंतर आरोपी महिलेला तिथेच सोडून पळून गेले.
मिळालेल्या माहितीनुसार, बराच वेळ पीडिता घरी न पोहोचल्याने कुटुंबातील सदस्य शेतात पाहण्यासाठी गेले असता ती गंभीर अवस्थेत आढळून आली. त्यानंतर कुटुंबीयांनी महिलेला तात्काळ खासगी रुग्णालयात भरती केले, जिथे डॉक्टरांनी (Doctors) बाळाचा जीव वाचवण्यासाठी शक्य ते सर्व प्रयत्न केले, तिला वाचवता आले. मात्र, बलात्कारादरम्यान महिलेच्या पोटातच मुलाचा मृत्यू झाल्याचे डॉक्टरांनी कुटुंबीयांना सांगितले. मात्र आता, महिलेचे कुटुंबीय न्यायासाठी न्यायालयाच्या चकरा मारत आहेत.
दुसरीकडे, या घटनेबाबत बिशरत गंज पोलिस ठाण्यात कलम 376 डी, 315 अन्वये गुन्हा दाखल करण्यात आला आहे. या प्रकरणाबाबत पोलीस (Police) अधिकाऱ्याने सांगितले की, घटनेच्या दिवशी पीडित महिला आणि आरोपी पक्ष यांच्यात शेतात वाद झाला होता. यानंतर गावात बैठक घेऊन समझोताही झाला होता. त्याचा लेखी करारनामाही प्राप्त झाला आहे. ते पुढे म्हणाले, घटनेनंतर आता महिलेची वैद्यकीय तपासणी करण्यात आली आहे. तपासात जे काही समोर येईल, त्याआधारे कारवाई केली जाईल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
