नवी दिल्ली : रशिया आणि युक्रेन युद्ध (Russia-Ukraine war) सुरू झाल्यानंतर कच्च्या तेलाच्या किंमती वाढल्या होत्या. गेल्या दोन आठवड्यांत कच्च्या तेलाच्या किंमती या 100 डॉलर प्रति बॅरलपेक्षा अधिक झाल्या होत्या. ज्यामुळे देशात पेट्रोल, डिझेलचे दर वाढतील अशी शंका व्यक्त करण्यात येत होती. मात्र आता सर्वसामान्यांसह देशासाठी चांगली बातमी असून कच्च्या तेलाच्या प्रति बॅरलचे दर उतरले आहेत. त्यामुळे देशातील पेट्रोलियम कंपन्यांना मोठा दिलासा मिळाला आहे. या आठवड्यात कच्च्या तेलाचे दर 40 डॉलरनी कमी झाले झाले आहेत. (Crude oil prices fall from $40)
रशिया आणि युक्रेन युद्ध (Russia-Ukraine war) सुरू असून त्यामुळे सगळ्यात जास्त परिणाम हा कच्च्या तेलाच्या किंमतीवर झाला. यामुळे 28 फेब्रुवारीनंतर प्रति बॅरलपेक्षा 100 डॉलरपेक्षा (Dollars) जास्त दराने कच्चे तेल मिळत होते. जो 139 डॉलर पर्यंत गेला होता. मात्र आता यात उतार दिसत असून प्रती बॅरेलचा दर 40 डॉलरनी कमी झाले झाले आहेत. त्यामुळे चालू आठवड्यात कच्च्या तेलाचे दर 100 डॉलर प्रति बॅरलच्याही खाली आले आहेत.
एकीकडे कच्चा तेलाचे दर वाढत असताना देशात मात्र पेट्रोल (Petrol) डिझेलचे (Diesel) दर स्थिर होते. त्यावेळी देशातील पेट्रोलियम कंपन्याना (Petroleum companies) मोठा फटका बसला. मात्र आता कच्च्या तेलाचे दर कमी झाल्याने या कंपन्यांना काही प्रमाणात दिलासा मिळाला आहे. आंतरराष्ट्रीय बाजारात (international market)कच्च्या तेलाच्या किमती झपाट्याने कमी होत असून क्रूड ऑईलचे (Crude oil) दर 139 डॉलर प्रति बॅरलवरून 99 डॉलर प्रति बॅरलच्याही खाली आले आहेत. याचाच अर्थ कच्च्या तेलाच्या किमतीमध्ये सरासरी 40 डॉलरनी दर कमी झाले आहेत. तर ही बाब देशासाठी दिलासादायक गोष्ट आहे. कारण भारत हा कच्च्या तेलाचा जगातील एक मोठा आयातदार देश आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
