Mera Bill Mera Adhikar Scheme: केंद्र सरकारने एक खास योजना सुरु केली आहे, ज्यामध्ये तुम्हाला करोडो रुपये जिंकण्याची संधी आहे. 'मेरा बिल, मेरा अधिकार' असे या योजनेचे नाव आहे.
आज सरकारने ही योजना 6 राज्ये आणि केंद्रशासित प्रदेशांमध्ये सुरु केली आहे. सध्या चालू आर्थिक वर्षात शासनाने बक्षीस रकमेसाठी 30 कोटी रुपयांचा निधी तयार केला आहे.
हरियाणाचे (Haryana) उपमुख्यमंत्री दुष्यंत चौटाला म्हणाले की, योजनेचे मोबाईल अॅप आतापर्यंत 50,000 हून अधिक लोकांनी डाउनलोड केले आहे.
महसूल सचिव संजय मल्होत्रा यांनी सांगितले की 'माय बिल, माय राइट' जीएसटी लकी ड्रॉ सहा राज्यांमध्ये पायलट प्रोजेक्ट म्हणून सुरु करण्यात येत असून केंद्र आणि राज्ये बक्षीस रकमेत समान योगदान देतील.
मल्होत्रा पुढे म्हणाले की, 'जीएसटीमुळे नागरिक, ग्राहक आणि सरकारला फायदा झाला आहे. महसुलात दर महिन्याला वाढ होत आहे आणि केंद्र आणि राज्यांनी एकत्र येऊन GST अंतर्गत कराचे दर कमी आहेत याची खात्री केली आहे. आज सरासरी जीएसटी दर 12 टक्के आहे, तर लॉन्चच्या वेळी तो 15 टक्के असण्याचा अंदाज होता.
चालू आर्थिक वर्षात दरमहा सरासरी जीएसटी संकलन 1.60 लाख कोटी रुपये आहे. सरकारने शुक्रवारी 'माय बिल, माय राइट' योजना प्रायोगिक तत्त्वावर 1 सप्टेंबरपासून आसाम, गुजरात आणि हरियाणा आणि पुद्दुचेरी, दादरा नगर हवेली आणि दमण-दीव या केंद्रशासित प्रदेशांमध्ये सुरु केली.
या योजनेअंतर्गत दर महिन्याला 810 लकी ड्रॉ होतील. प्रत्येक तिमाहीत दोन बंपर लकी ड्रॉ होतील.
ग्राहक त्यांची GST बिले अ‍ॅपद्वारे अपलोड करुन योजनेत सामील होऊ शकतात आणि लकी ड्रॉद्वारे बक्षिसे जिंकू शकतात. मासिक सोडतीमध्ये 800 जणांना 10,000 रुपयांचे बक्षीस आणि 10 जणांना 10 लाख रुपयांचे बक्षीस दिले जाईल. प्रत्येक तिमाहीत 1 कोटी रुपयांचा बंपर ड्रॉ होईल.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.