ऑनलाइन पैसे ट्रान्सफर करताय, तर मोजावी लागणार एवढी रक्कम

तुम्हीही स्टेट बँक ऑफ इंडियाचे (Bank of India) ग्राहक असाल तर तुमच्यासाठी एक मोठी बातमी आहे. SBI ग्राहकांना ऑनलाइन पैसे ट्रान्सफर करणे आता महाग होणार आहे, कारण बँकेने त्वरित पेमेंट सेवेची (IMPS) मर्यादा वाढवली आहे. त्याचबरोबर आता ग्राहकांना या अंतर्गत अधिक शुल्क भरावे (Online money transfer is expensive) लागणार आहे. 1 फेब्रुवारी 2022 पासून IMPS व्यवहारांसाठी नवीन स्लॅब जोडला गेला आहे.

रु. 1,000 पर्यंत रक्कम पाठवण्यासाठी कोणतेही शुल्क नाही. तर 1001 ते 10,000 रुपये पाठवल्यास 2 रुपये अधिक GST शुल्क आकारले जाईल. दुसरीकडे, 10,001 ते 1 लाख रुपये पाठवल्यास 4 रुपये अधिक जीएसटी लागू होईल. याशिवाय, जर तुम्ही रु. 1,00,001 ते रु. 2 लाखांपर्यंत ट्रान्सफर केले तर तुम्हाला 12 रुपये अधिक GST शुल्क भरावे लागेल. दुसरीकडे, 2,00,001 ते 5 लाख रुपये पाठवण्यासाठी 20 रुपये अधिक जीएसटी भरावा लागेल.

IMPS द्वारे 2 लाख ते 5 लाख रुपयांपर्यंत पैसे पाठवल्यास, 20 रुपये अधिक GST आकारले जाईल. IMPS द्वारे ग्राहक एका दिवसात कमाल 5 लाख रुपयांपर्यंत व्यवहार करू शकतील. याआधी ही मर्यादा 2 लाख रुपये होती, परंतु भारतीय रिझर्व्ह बँकेने IMPS द्वारे व्यवहार करण्याच्या रकमेची मर्यादा 2 लाख रुपयांवरून 5 लाख रुपये केली होती.

IMPS म्हणजेच तात्काळ मोबाईल पेमेंट सेवेद्वारे कोणत्याही खातेदाराला पैसे कधीही पाठवले जाऊ शकतात. या अंतर्गत, पैसे पाठवण्याच्या वेळेवर कोणतेही बंधन नाही. तुम्ही IMPS द्वारे फक्त काही सेकंदात, दिवसाचे 24 तास, आठवड्याचे सातही दिवस पैसे ट्रान्सफर करू शकता.

तर ऑनलाइन शॉपिंग, पॉलिसीचे प्रीमियम भरणे, शाळा-कॉलेजची फी आणि इतर बिले भरणे यासारखी महत्त्वाची कामेही करू शकता. भारतात ऑनलाइन बँकिंगद्वारे पैसे कुठेही, कधीही हस्तांतरित केले जाऊ शकतात. वास्तविक, ऑनलाइन बँकिंगमधून पैसे हस्तांतरित करण्याचे तीन मार्ग आहेत, ज्याद्वारे रक्कम हस्तांतरित केली जाते. यामध्ये IMPS, NEFT, RTGS या नावांचा समावेश आहे.