Dabur India: डाबरच्या 'हेअर-रिलॅक्सर' उत्पादनांमुळे गर्भाशयाचा कर्करोग आणि इतर संबंधित आरोग्य समस्या उद्भवतात असा दावा केला जात आहे. या आरोपावरुन डाबरच्या तीन परदेशी उपकंपन्यांवर यूएस आणि कॅनडामध्ये खटले सुरू आहेत.
अमेरिका आणि कॅनडामधील कंपन्यांवर अनेक खटले दाखल करण्यात आले आहेत. नमस्ते लॅबोरेटरीज एलएलसी, डर्मोविवा आणि डीआयएनटीएल या कंपन्या आहेत. पण, या सहाय्यक कंपन्यांनी आरोप नाकारले आहेत आणि बचावासाठी वकीलांची नियुक्ती केली आहे.
कंपनीवरील आरोप सिद्ध न झालेल्या आणि अपूर्ण अभ्यासावर आधारित आहेत. डाबरच्या विरोधात यूएस आणि कॅनडातील दोन्ही फेडरल आणि राज्य न्यायालयात खटले दाखल करण्यात आले आहेत. कंपनीच्या म्हणण्यानुसार ही प्रकरणे सुरुवातीच्या टप्प्यात आहेत.
सध्या, एमडीएलमध्ये सुमारे 5,400 प्रकरणे आहेत ज्यात नमस्ते, डर्मोविवा आणि डीआयएनटीएल आणि काही इतर कंपन्यांना प्रतिवादी म्हणून देण्यात आले आहे.
केसांना आराम देणार्‍या उत्पादनात रसायने असतात आणि त्याचा वापर केल्यास आरोग्याच्या समस्या उद्भवू शकतात असा आरोप काही ग्राहकांनी केला आहे. सहायक कंपन्यांविरुद्ध गुन्हा दाखल झाल्यानंतर गुरुवारी सकाळी डाबरच्या शेअर्सवर शेअर बाजारात फरक दिसून आला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.