वैयक्तिक कर्ज घेणं पडू शकतं महाग, आधी संबंधित खर्च घ्या जाणून

वैयक्तिक कर्जावर (Personal Loan) विविध शुल्क आकारले जातात. त्याचवेळी, वेगवेगळ्या बँका आणि NBFC चे वैयक्तिक कर्जावर वेगवेगळे शुल्क असू शकते.
Personal Loan
Personal Loan Dainik Gomantak

Personal Loan : गेल्या काही वर्षांत वैयक्तिक कर्जे खूप लोकप्रिय झाली आहेत. बँका आणि बिगर बँकिंग वित्तीय कंपन्या देखील वैयक्तिक कर्ज देण्यास स्वतःहून पुढे येतात आणि ऑफर देतात. आता वेगवेगळ्या गरजांसाठी विविध प्रकारची वैयक्तिक कर्जे उपलब्ध आहेत. पण पर्सनल लोन मिळवण्यासाठी तुम्हाला किती पैसे खर्च करावे लागतील हे तुम्हाला माहिती आहे का?

वैयक्तिक कर्जावर (Personal Loan) विविध शुल्क आकारले जातात. त्याचवेळी, वेगवेगळ्या बँका आणि NBFC चे वैयक्तिक कर्जावर वेगवेगळे शुल्क असू शकते. चला तर मग जाणून घेऊया पर्सनल लोन घेण्यासाठी किती खर्च येतो. (Borrowing a personal loan can be expensive know the costs involved)

Personal Loan
Bank Holiday : या दिवशी असणार बँकांना सुट्ट्या, बँकेत जाण्यापूर्वी हे पाहून घ्या

व्याज दर

वैयक्तिक कर्जावरील व्याजदर 10.99 टक्क्यांपासून ते 24 टक्क्यांपर्यंत असू शकतो. पगार नसलेल्या व्यक्तींसाठी व्याजाची मर्यादा थोडी जास्त असू शकते. याशिवाय कर्ज पुरवठादार ग्राहकाचा क्रेडिट स्कोअर आणि त्याचा संस्थेशी असलेला संबंध आणि त्याची आर्थिक स्थिरता पाहून व्याजदर ठरवतात.

जीएसटी

सध्या, नियमांनुसार, कर्जाशी संबंधित सेवांवर 18 टक्के जीएसटी (GST) आकारला जातो. या सेवांमध्ये प्रोसेसिंग फी, प्रीपेमेंट आणि पार्ट-पेमेंट चार्जेस, रिपेमेंट मोड स्वॅप चार्जेस, कॅन्सलेशन चार्जेस, चुकलेले रिपेमेंट चार्जेस, डुप्लिकेट स्टेटमेंट इश्यू चार्जेस इत्यादींचा समावेश आहे. तथापि, कर्जावरील व्याजदरावर जीएसटी लागू होत नाही.

प्रक्रिया शुल्क

कर्जाची प्रक्रिया शुल्क कर्ज पुरवठादारावर अवलंबून असते. प्रक्रिया शुल्क कर्जाच्या रकमेच्या 0.5 ते 3% आणि 18% GST पर्यंत असू शकते. कृपया लक्षात ठेवा की प्रक्रिया शुल्क ही नॉन-रिफंडेबल फी आहे, जी तुमचे कर्ज रद्द झाल्यानंतर कोणत्याही परिस्थितीत परत करता येणार नाही.

प्रीपेमेंट किंवा फोरक्लोजर शुल्क

तुम्हाला मुदतीपूर्वी तुमचे कर्ज फेडायचे असेल, तर त्यासाठी तुम्हाला फोरक्लोजर चार्जेस भरावे लागतील. तुमचा कर्जाचा कालावधी कमी व्हावा असे बँकांना वाटत नाही कारण त्यामुळे त्यांना व्याजदराचे नुकसान होते. म्हणून, काही बँका कर्ज देताना कर्जाच्या कालावधीसाठी 12 महिन्यांचा लॉक-इन कालावधी निश्चित करतात. त्याच वेळी, लॉक-इन कालावधी संपल्यानंतर, प्रीपेमेंट शुल्क थकबाकीच्या 5 टक्के आणि 18 टक्के जीएसटी असू शकते.

परतफेड मोड स्वॅपिंग शुल्क

तुम्हाला तुमच्या कर्जाचा परतफेड मोड बदलायचा असेल, तर बँका त्यावरही शुल्क आकारतात. कर्जाच्या कालावधी दरम्यान, कर्ज पुरवठादार प्रत्येक परतफेड मोड स्वॅपवर रु 500 अधिक 18% GST आकारू शकतात.

कर्ज रद्द करण्याचे शुल्क

मंजूरी किंवा वितरणानंतर तुम्हाला कर्ज रद्द करायचे असल्यास, तुम्हाला रद्दीकरण शुल्क भरावे लागेल. काही बँका 3,000 रुपये फ्लॅट दर अधिक 18% GST आकारतात. तर काही बँका कर्ज वाटप आणि रद्द करताना केवळ व्याज भरतात आणि प्रक्रिया शुल्क देखील परत करत नाहीत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com